കോഴിക്കോട്: ബ്രൗൺഷുഗറുമായി യുവാവ് പിടിയിൽ. ബേപ്പൂര് പൂണാര് വളപ്പില് വീട്ടിൽ വി പി മുജീബ് റഹ്മാന് (38) നെയാണ് മാറാട് പോലീസ് പിടികൂടിയത്. കഴിഞ്ഞ ദിവസം വൈകീട്ടാണ് സംഭവം.
മാറാട് പോലീസ് സ്റ്റേഷൻ സബ്ബ് ഇൻസ്പെക്ടറും സംഘവും പട്രോളിംഗ് ഡ്യൂട്ടി ചെയ്തുതുവരുന്നതിനിടെ കുത്ത്കല്ല് മാത്തോട്ടം റോഡിലാണ് പ്രതി പിടിയിലായത്. പോലീസിനെ കണ്ട് അസ്വാഭാവികമായി പെരുമാറുകയും, വാഹനവുമായി രക്ഷപ്പെടാൻ ശ്രമിക്കുകയുമായിരുന്ന പ്രതിയെ തടഞ്ഞ് വെച്ച് പോലീസ് ചോദ്യം ചെയ്ത് പരിശോധിച്ചപ്പോഴാണ് മയക്കുമരുന്ന് കണ്ടെത്തിയത്. ഇയാളിൽ നിന്നും വിൽപ്പനയ്ക്കായി സൂക്ഷിച്ച 3.30 ഗ്രാം ബ്രൌണ് ഷുഗറും, മയക്കുമരുന്ന് വിറ്റുകിട്ടിയ 4550 രൂപയും മയക്കുമരുന്ന് കടത്താന് ഉപയോഗിച്ച സ്കൂട്ടറും, മൊബൈല് ഫോണും ഉള്പ്പടെ പോലീസ് കണ്ടെടുത്തു.
പ്രതിയ്ക്ക് കോഴിക്കോട് ടൗണ് പോലീസ് സ്റ്റേഷനില് റെയില്വേ സ്റ്റേഷന് പരിസരത്ത് വെച്ച് 45 ഗ്രാം ബ്രൗൺ ഷുഗറുമായി പിടിയിലായതിന് കേസ് നിലവിലുണ്ടെന്നും, പയ്യാനക്കല്, പാളയം, റെയില്വേ സ്റ്റേഷന് കേന്ദ്രീകരിച്ച് മയക്കുമരുന്ന് വില്പ്പന നടത്തുന്നയാളാണെന്നും പോലീസ് പറഞ്ഞു. മാറാട് പോലീസ് സ്റ്റേഷൻ സബ്ബ് ഇൻസ്പെക്ടർ അശ്വിന് റോയ്, അസിസ്റ്റന്റ് സബ്ബ് ഇൻസ്പെക്ടർ മുഹമ്മദ്, സീനിയർ സിവിൽ പോലീസ് ഓഫീസർമാരായ മിഥുന് ഗോവിന്ദ്, വിനീഷ് പൂവാട്ട് പറമ്പ് എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്.
Discussion about this post