കാസര്കോട്: മന്ത്രി കെ.എം ഷാജിയെ അപകീർത്തിപ്പെടുത്തുന്ന വാട്സ്ആപ്പ് പോസ്റ്റ് പങ്കുവെച്ച് പൊലീസുകാരന്. കാസർകോട് ജില്ലയിലെ വെള്ളരിക്കുണ്ട് പൊലീസ് സ്റ്റേഷനിലെ സി.പി.ഒ സുജിത്താണ് വിവാദ പോസ്റ്റ് പങ്കുവെച്ചത് ഉറക്കത്തിൽ പോലും മതം മതം എന്ന് പറയുന്ന ആളാണ് ഷാജിയെന്നാണ് പോസ്റ്റ്. കാസര്കോട് ജില്ലയിലെ പൊലീസ് ഫ്രണ്ട്സ് എന്ന ഗ്രൂപ്പിലാണ് കുറിപ്പ് വന്നത്. എല്ലാവരും പിണറായിയെ സ്വീകരിക്കുമ്പോൾ തൂവാല കൊണ്ട് മുഖം തുടച്ച് സ്കൂട്ടാകുന്ന വർഗീയവാദിയെ ദൃശ്യത്തിൽ കാണാമെന്നും കുറിപ്പില് പറയുന്നു. മന്ത്രിസഭാ സത്യപ്രതിജ്ഞക്ക് പിണറായി വിജയൻ എത്തിയപ്പോഴുള്ള വീഡിയോ സഹിതമാണ് കുറിപ്പുള്ളത്.
‘സത്യപ്രതിജ്ഞ ചടങ്ങിനെത്തി പിണറായി വിജയൻ. ഈ വീഡിയോ നിങ്ങൾ സൂക്ഷിച്ചൊന്ന് കാണണം. കഴിഞ്ഞ രണ്ട് സത്യപ്രതിജ്ഞ ചടങ്ങുകളും UDF മുട്ടുന്യായങ്ങൾ പറഞ്ഞ് ബഹിഷ്ക്കരിച്ചിരുന്നു. അത് അവരുടെ സംസ്കാരം. ഇന്ന് അതൊന്നും കാര്യമാക്കാതെ ചടങ്ങിനെത്തിയ പിണറായി വിജയനെ സ്വീകരിക്കുന്ന കോൺഗ്രസ്സുകാരെയും കേരള കോൺഗ്രസ്സുകാരെയും എന്തിന് പിണറായി കൊടുവിഷം എന്ന് വിശേഷിപ്പിച്ച രാജീവ് ചന്ദ്രശേഖറിനെയും പരനാറിയെന്ന് വിശേഷിപ്പിച്ച പ്രേമചന്ദ്രനേയും നിങ്ങൾക്ക് കാണാം.
എന്നാൽ ആ ഭാഗത്ത് നിന്നും തൂവാല കൊണ്ട് മുഖം തുടച്ച് സ്ക്കൂട്ടാകുന്ന ഒരു വർഗ്ഗീയവാദിയെയും നിങ്ങൾക്ക് കാണാം. ഉറക്കത്തിൽപോലും മതം മതം മതമാണ് പ്രശ്നം എന്ന് പുലമ്പുന്ന കെ എം ഷാജിയെ. മൈക്ക് കെട്ടി അണികളുടെ മുന്നിൽ തെറി വിളിച്ച് ആളാകാൻ ഏതവനും പറ്റും ഷാജിയെ… ആ മനുഷ്യന്റെ മുന്നിൽ നിവർന്ന് നിൽക്കാൻ നിൻ്റെ മുട്ടുവിറക്കും ഷാജിയെ…നീ നിന്ന് വിറക്കാൻ പോകുന്നതേയുള്ളൂ….’, എന്നാണ് വാട്സ്ആപ്പ് ഗ്രൂപ്പിൽ വന്ന സന്ദേശം സംഭവത്തിൽ സ്പെഷ്യൽ ബ്രാഞ്ച്, ജില്ലാ പൊലീസ് മേധാവിക്ക് റിപ്പോർട്ട് കൈമാറിയിട്ടുണ്ട്.
Discussion about this post