പയ്യോളി: ഇന്ത്യൻ പീപ്പിൾസ് തിയേറ്റർ അസോസിയേഷൻ (ഇപ്റ്റ) 83-ാം സ്ഥാപക ദിനം ജനകീയ സാംസ്ക്കാരിക ദിനമായി ആചരിച്ചു. ഇപ്റ്റ ദേശീയ വൈസ് പ്രസിഡൻ്റ് ടി വി ബാലൻ ഉദ്ഘാടനം ചെയ്തു. പുതിയ തലമുറയെ കാഴ്ചപ്പാടും തിരിച്ചറിവും നിലപാടുകളും ഉള്ളവരാക്കി മാറ്റാൻ പുതിയ കാലത്ത് കലാ സാംസ്ക്കാരിക പ്രവർത്തകർ ജാഗ്രതയോടെ പ്രവർത്തിക്കേണ്ടതുണ്ടെന്ന് അദ്ദേഹം പറഞ്ഞു.
പയ്യോളി അക്ഷരമുറ്റം ഓഡിറ്റോറിയത്തിൽ പയ്യോളി മേഖലാ കമ്മിറ്റി സംഘടിപ്പിച്ച പരിപാടിയിൽ കെ ശശിധരൻ അധ്യക്ഷത വഹിച്ചു.
ഇരിങ്ങൽ കൃഷ്ണൻ, ജില്ലാ സെക്രട്ടറി സി പി സദാനന്ദൻ, പ്രദീപൻ കണിയാരിക്കൽ, ചന്ദ്രൻ മുദ്ര, വടയകണ്ടി നാരായണൻ, കൊളാവിപ്പാലം രാജൻ, വിജയൻ പെരിങ്ങാട്, റസിയ ഫൈസൽ പ്രസംഗിച്ചു.
കായലാട്ട് ഗിരിജ കെ പി എ സി, ദിലീപ് കീഴൂർ, സജി മൂരാട്, ജയൻ മൂരാട്, ഇ വി ദാമു നർത്തന, അഷറഫ് പുഴക്കര, ഡോ. കെ പി ബാലകൃഷ്ണൻ എന്നിവരെ ആദരിച്ചു.
പി ആർ രതീഷ്, മിഥുന സജിൻ, റമീന പയ്യോളി, കെ ടി മോഹനൻ, ഇ വി വാസു, സി പി ബാസിത് എന്നിവർ കവിത – കഥ അവതരിപ്പിച്ചു. പ്രദീപ് കോട്ടക്കൽ, രഞ്ജിത്ത് കൊളാവിപ്പാലം, കെ വിനീത, സി അഭയ്, വിനീത് തിക്കോടി ഗാനാലാപനം നടത്തി. ഇരിങ്ങൽ അനിൽ കുമാർ സ്വാഗതവും പ്രദീപ് കളരിപ്പടി നന്ദിയും പറഞ്ഞു.
Discussion about this post