പയ്യോളി: ബീച്ച് റോഡ് റെയിൽവെ ലെവൽ ക്രോസിലെ ‘ഗേറ്റ് ബൂം’ മുറിഞ്ഞ് വീണു. പയ്യോളി ഒന്നാം ഗേറ്റിലെ ‘ഗേറ്റ് ബൂം’ ആണ് അടയ്ക്കുന്നതിനിടെ തകർന്ന് വീണത്.ഇതോടെ ഇതുവഴിയുള്ള ഗതാഗതം പൂർണമായി സ്തംഭിച്ചു. ഇന്ന് രാത്രി 9.15 ഓടെയാണ് സംഭവം
ട്രെയിൻ വരുന്നതായി അറിയിപ്പ് ലഭിച്ചതിനെ തുടർന്ന്, ‘ഗേറ്റ് ബൂം’ ജീവനക്കാരൻ താഴ്ത്തി അടയ്ക്കുന്നതിനിടെയാണ്, ശബ്ദത്തോടെ മധ്യഭാഗത്ത് വെച്ച് ‘ഗേറ്റ് ബൂം’ മുറിഞ്ഞു വീണത്. ഈ സമയം വാഹനങ്ങളോ കാൽനട യാത്രികരോ ഇതുവഴി പോകാതിരുന്നതിനാൽ വലിയ അപകടമാണ് ഇല്ലാതായത്.
‘ഗേറ്റ് ബൂം’ മാറ്റി സ്ഥാപിക്കുകയോ, തകരാർ പരിഹരിക്കുകയോ ചെയ്യാതെ ഇതുവഴിയുള്ള ഗതാഗതം പുന:സ്ഥാപിക്കാൻ കഴിയില്ല. പയ്യോളിയിൽ ഏറെ തിരക്കനുഭവപ്പെടുന്ന റോഡാണിത്. ഇന്നുതന്നെ തകരാർ പരിഹരിച്ച് ഗതാഗതം പുനഃസ്ഥാപിക്കാനുള്ള ശ്രമം റെയിൽവെ ഊർജിതമാക്കിയിട്ടുണ്ടെന്നാണ് അറിയുന്നത്.
Discussion about this post