പയ്യോളി: നഗരസഭ നഗര പ്രാഥമിക ആരോഗ്യ കേന്ദ്രം പയ്യോളിയും വ്യാപാരി വ്യവസായി ഏകോപന സമിതി കീഴൂർ യൂണിറ്റും സംയുക്തമായി ദേശീയ അന്ധത -കാഴ്ച വൈകല്യ നിയന്ത്രണ പരിപാടി സംഘടിപ്പിച്ചു. പയ്യോളി നഗരസഭ ആരോഗ്യ കാര്യ സ്ഥിരം സമിതി അധ്യക്ഷ കെ ടി സിന്ധു ഉദ്ഘാടനം നിർവഹിച്ചു.
നഗരസഭാംഗം പി കെ ഷൈന അധ്യക്ഷത വഹിച്ചു. മെഡിക്കൽ ഓഫീസർ ഡോ. കെ സായി ലക്ഷ്മി, ഇരിങ്ങൽ കുടുംബാരോഗ്യ കേന്ദ്രം ഹെൽത്ത് ഇൻസ്പെക്ടർ കെ ജയരാജ് പ്രസംഗിച്ചു. സീനിയർ ഒപ്റ്റോമെട്രിസ്റ്റ് വി കെ ശരണ്യ ബോധവത്ക്കരണ ക്ലാസ് നൽകി.
ഒപ്റ്റോമെട്രിസ്റ്റ് എൻ കെ സുബിൻ രാജ്, ജെ പി എച്ച് എൻ സി ശില്ന എന്നിവർ നേത്ര പരിശോധന, ജീവിതശൈലി രോഗനിർണയ ക്യാമ്പ് എന്നിവയ്ക്ക് നേതൃത്വം നൽകി. ജൂനിയർ ഹെൽത്ത് ഇൻസ്പെക്ടർ ടി കെ സുബീഷ് സ്വാഗതവും വ്യാപാരി വ്യവസായി ഏകോപന സമിതി കീഴൂർ യൂണിറ്റ് സെക്രട്ടറി കെ ശങ്കരൻ നന്ദിയും പറഞ്ഞു.
12 പേർ നേത്രദാന സമ്മതപത്രം സമർപ്പിച്ചു.
Discussion about this post