കോഴിക്കോട്: പ്രായപൂർത്തിയാകാത്ത ആണ്കുട്ടിയോട് ലൈംഗികാതിക്രമം നടത്താൻ ശ്രമിച്ച യുവാവ് പിടിയിലായി. കണ്ണൂര് പേരാവൂര് കളപ്പുരക്കല് വീട്ടില് ജെന്നറ്റ് ജോബ് (40) നെയാണ് ടൌണ് പോലീസ് പോക്സോ നിയമ പ്രകാരം അറസ്റ്റ് ചെയ്തത്. ഇക്കഴിഞ്ഞ ഞായറാഴ്ചയായിരുന്നു സംഭവം. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
പ്രായപൂർത്തിയാവാത്ത ആണ്കുട്ടിയെ ഇൻസ്റ്റാഗ്രാം വഴി പരിചയപ്പെട്ട പ്രതി, 11 ന് ഞായറാഴ്ച ഉച്ചയ്ക്ക് കോഴിക്കോട് അപ്സര തിയേറ്ററിന് സമീപമുള്ള ലോഡ്ജ് മുറിയിലേക്ക്, ‘സെക്സ് ചെയ്താൽ മൂവായിരം രൂപ തരാം’ എന്നു പറഞ്ഞു കൂട്ടിക്കൊണ്ടു പോകാന് ശ്രമിക്കുകയായിരുന്നു. തുടർന്ന് ആണ്കുട്ടിയുടെ പരാതിയിൽ ടൗണ് പോലീസ് കേസ് രജിസ്റ്റർ ചെയ്ത് അന്വേഷണം നടത്തുകയും, പ്രതിയെ കോഴിക്കോട് ലിങ്ക് റോഡില് വെച്ച് കസ്റ്റഡിയിലെടുക്കുകയുമായിരുന്നു.
ടൗൺ പോലീസ് സ്റ്റേഷൻ സബ്ബ് ഇൻസ്പെക്ടർമാരായ ശ്രീജേഷ്, വിഷ്ണു സിറ്റി ക്രൈം സ്കോഡ് അംഗങ്ങളായ കെ
അബ്ദുറഹ്മാൻ, അനീഷ് മുസ്സേൻവീട്, ഷഹീർ പെരുമണ്ണ, രാകേഷ് ചൈതന്യം എന്നിവരടങ്ങുന്ന അന്വേഷണസംഘമാണ് പ്രതിയെ കസ്റ്റഡിയിലെടുത്തത്.
Discussion about this post