വടകര: കുറ്റ്യാടി മണ്ഡലത്തിലെ പാലോടിക്കുന്ന്-മുതുവന റോഡ് നവീകരണ പ്രവൃത്തികൾക്ക് തുടക്കമായി. പാറക്കൽ അബ്ദുള്ള എം എൽ എയുടെ ആസ്തി വികസന ഫണ്ടിൽ നിന്നും അനുവദിച്ച 30 ലക്ഷം രൂപ ചെലവഴിച്ച് നടപ്പിലാക്കുന്ന നിർമാണ പ്രവൃത്തികളുടെ ഉദ്ഘാടനം എം എൽ എ നിർവഹിച്ചു.
പ്രദേശവാസികളുടെ ദീർഘകാലത്തെ യാത്രാദുരിതത്തിനാണ് റോഡ് നവീകരണം കൊണ്ട് പരിഹാരമാകുന്നത്. പ്രദേശത്തെ അടിസ്ഥാന സൗകര്യ വികസനത്തിന് മുൻഗണന നൽകിക്കൊണ്ടാണ് ഫണ്ട് വകയിരുത്തിയിട്ടുള്ളത്. റോഡ് വീതികൂട്ടി ടാർ ചെയ്യുന്നതോടെ പ്രദേശത്തെ ഗതാഗതം കൂടുതൽ സുഗമമാകുമെന്ന് എം എൽ എ പറഞ്ഞു.
വേളം ഗ്രാമപഞ്ചായത്ത്‌ പ്രസിഡന്റ് കെ സി മുജീബ് റഹ്മാൻ അധ്യക്ഷത വഹിച്ചു. വൈസ് പ്രസിഡന്റ് ലീല ആര്യൻ കാവിൽ, സ്ഥിരസമിതി അധ്യക്ഷരായ മഠത്തിൽ ശ്രീധരൻ, കുഞ്ഞയിഷ കുനിങ്ങാരത്ത്, ബ്ലോക്ക് പഞ്ചായത്ത് അംഗം ഇ പി ജസീല, വാർഡ് അംഗം ടി എം മുബീന, അസിസ്റ്റന്റ് എഞ്ചിനീയർമാരായ ആഷിക്ക്, വിഷ്ണു, വിവിധ രാഷ്ട്രീയ പാർട്ടി പ്രതിനിധികൾ പ്രസംഗിച്ചു.
Discussion about this post