വടകര: മാഹി മദ്യവുമായി യുവാവ് പിടിയിൽ. മലപ്പുറം തിരൂരങ്ങാടി വേങ്ങര പാലശ്ശേരി വീട്ടിൽ മൂസക്കുട്ടി (45) ആണ് മാഹി വിദേശമദ്യവുമായി വടകര എക്സൈസ് സംഘത്തിൻ്റെ പിടിയിലായത്.
ഇയാളിൽ നിന്നും 36കുപ്പി (18 ലിറ്റർ) മദ്യം പിടിച്ചെടുത്തു. ഇന്നലെ വൈകീട്ട് 4.30 ഓടെയാണ് സംഭവം.
എക്സൈസ് സംഘത്തിന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ നടത്തിയ പരിശോധനയിൽ മാഹി റെയിൽവെ സ്റ്റേഷനിലേക്ക് പോകുന്ന റോഡിൽ വെച്ചാണ് മൂസക്കുട്ടി അറസ്റ്റിലായത്.
വടകര എക്സൈസ് സർക്കിൾ ഓഫീസിലെ അസി: എക്സൈസ് ഇൻസ്പെക്ടർ പ്രമോദ് പുളിക്കലിൻ്റെ നേതൃത്വത്തിൽ പ്രിവൻ്റീവ് ഓഫീസർ ഗ്രേഡ്ഷൈജു പി പി, കെ പി സായിദാസ്, സിവിൽ എക്സൈസ് ഓഫീസർ ഇ എം മുസ്ബിൻ, സിവിൽ എക്സൈസ് ഓഫീസർ ഡ്രൈവർ ഇ കെ പ്രജീഷ് എന്നിവരാണ് സംഘത്തിലുണ്ടായിരുന്നത്.
Discussion about this post