പയ്യോളി: സ്റ്റേറ്റ് ഒളിമ്പിക് അസോസിയേഷൻ – പ്രഥമ സ്റ്റേറ്റ് ഒളിമ്പിക് വനിത – പുരുഷ വോളിബോൾ ചാമ്പ്യൻഷിപ്പ് മൂരാട് യുവശക്തിയുടെ ആഭിമുഖ്യത്തിൽ മെയ് 1 മുതൽ 7 വരെ മൂരാട് പ്രത്യേകം തയ്യാറാക്കുന്ന ഫ്ലഡ് ലിറ്റ് സ്റ്റേഡിയത്തിൽ നടക്കും. സംഘാടകസമിതി രൂപീകരണ യോഗം എം എൽ എ കാനത്തിൽ ജമീല ഉദ്ഘാടനം ചെയ്തു. സ്റ്റേറ്റ് വോളിബോൾ അസോസിയേഷൻ സിക്രട്ടറിയും ജില്ലാ ഒളിമ്പിക് അസോസിയേഷൻ സെക്രട്ടറിയുമായ സി സത്യൻ ചാമ്പ്യൻഷിപ്പിനെ കുറിച്ച് വിശദീകരിച്ചു. യുവശക്തി പ്രസിഡണ്ട് വി കെ ബിജു അധ്യക്ഷത വഹിച്ചു.
കൗൺസിലർ പി പി രേഖ, അസോസിയേഷൻ ഭാരവാഹികളായ ആർ മാണിക്കോത്ത്, ബഷീർ പട്ടാര, സി കെ വിജയൻ, എം മജീദ്, രാഷ്ട്രീയ പാർട്ടി പ്രതിനിധികളായ എം പി ഷിബു, പി എം വേണുഗോപാൽ, തൊടുവയൽ സദാനന്ദൻ, വി കേളപ്പൻ, പി ഷാജി, കെ കെ മമ്മു, എ രാജൻ, കെ കെ കണ്ണൻ, എം പി ഹുസൈൻ, കെ വി സതീശൻ പ്രസംഗിച്ചു.
കെ കെ രമേശൻ സ്വാഗതവും കെ പി രജീഷ് നന്ദിയും പറഞ്ഞു.
എം എൽ എ കാനത്തിൽ ജമീല ചെയർമാനും വി കെ നാസർ വർക്കിംഗ് ചെയർമാനും, മുനിസിപ്പൽ ചെയർമാൻ വടക്കയിൽ ഷെഫീക്ക് വൈസ് ചെയർമാനും, കെ കെ ഗണേശൻ ജനറൽ കൺവീനറായും സംഘാടകസമിതി രൂപീകരിച്ചു.
Discussion about this post