വയനാട്: വീടിനുള്ളിൽ യുവാവിനെ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് പോലീസ്. സംഭവവുമായി ബന്ധപ്പെട്ട് പിതാവിനെ പോലീസ് അറസ്റ്റ് ചെയ്തു.
മുപ്പൈനാട് സ്വദേശി അക്ഷയ് മോഹനനെയാണ് തിങ്കളാഴ്ച പുലർച്ചെ വീടിനുള്ളിൽ മരിച്ച നിലയിൽ കണ്ടെത്തിയത്. സംഭവത്തിൽ മേപ്പാടി പോലീസ് അസ്വാഭാവിക മരണത്തിന് കേസെടുത്ത് അന്വേഷണം തുടങ്ങിയിരുന്നു. ചോദ്യം ചെയ്യലിൽ അക്ഷയ്യെ കൊലപ്പെടുത്തിയതാണെന്ന് പിതാവ് കുറ്റം സമ്മതിച്ചു.
അക്ഷയ് ലഹരിക്കടിമപ്പെട്ട് വീട്ടിൽ നിരന്തരം പ്രശ്നങ്ങളുണ്ടാക്കുന്നതാണ് കൊലപാതകത്തിലേക്ക് നയിച്ചത്. അയൽവാസികളും ഇക്കാര്യം പറയുന്നു. അക്ഷയുടെ കഴുത്തിൽ തുണിയിട്ട് മുറുക്കിയതാണ് മരണകാരണമെന്നാണ് പ്രാഥമികനിഗമനം. പോസ്റ്റുമോർട്ടം റിപ്പോർട്ട് കിട്ടിയാൽ വ്യക്തതത വരുമെന്ന് പോലീസ് അറിയിച്ചു.


































Discussion about this post