യുഎഇ: യു എ ഇ പ്രസിഡന്‍റ് ഷെയ്ഖ് ഖലീഫ ബിന്‍ സായിദ് അൽ നഹ്യാന് (73) അന്തരിച്ചു. അബുദാബി ഭരണാധികാരിയാണ് അന്തരിച്ച അൽ നഹ്യാന്. യു എ ഇയുടെ രണ്ടാമത്തെ പ്രസിഡന്‍റായിരുന്നു. അദ്ദേഹത്തിന്‍റെ മരണത്തെത്തുടർന്ന് യു എഇയിൽ 40 ദിവസത്തെ ദു:ഖാചരണം ഭരണകൂടം പ്രഖ്യാപിച്ചു.
യുണൈറ്റഡ് അറബ് എമിറേറ്റ്‌സ് സായുധ സേനയുടെ പരമോന്നത കമാന്‍ഡറും സൂപ്രീം പെട്രോളിയം കൗണ്‍സിലിന്‍റെ ചെയര്‍മാനുമായിരുന്ന ശൈഖ് ഖലീഫ ബിന്‍ സായിദ് ആല്‍ നഹ്യാന് 2004 മുതൽ യു എ ഇ പ്രസിഡന്‍റായിരുന്നു.
രാഷ്ട്ര പിതാവും പ്രഥമ യു എ ഇ പ്രസിഡന്‍റുമായിരുന്ന ശൈഖ് സായിദ് ബിന്‍ സുല്‍ത്താന്‍ ആല്‍ നഹ്‌യാന്റെ മരണത്തെ തുടര്‍ന്നാണ് ശൈഖ് ഖലീഫ ബിന്‍ സായിദ് ആല്‍ നഹ്യാന് യുണൈറ്റഡ് അറബ് എമിറേറ്റ്‌സിന്റെ രണ്ടാമത്തെ പ്രസിഡന്‍റായി തെരഞ്ഞെടുക്കപ്പെട്ടത്.
Discussion about this post