തിരുവനന്തപുരം: കന്യാസ്ത്രീകള് സഞ്ചരിച്ചിരുന്ന കാര് അപകടത്തില്പ്പെട്ട് ഒരു മരണം. കാര് നിയന്ത്രണം തെറ്റി മരത്തിലിടിക്കുകയായിരുന്നു.സിസ്റ്റര് ഗ്രേസ് മാത്യുവാണ് (55) മരിച്ചത്. തിരുവനന്തപുരം പോങ്ങുംമൂട് പ്രവര്ത്തിക്കുന്ന സോട്ടഴ്സ് ഓഫ് മേരി സഭയിലെ അംഗമാണ്.
ഒപ്പമുണ്ടായിരുന്ന നാല് പേര്ക്ക് പരിക്കേറ്റു. ഫാദര് അരുണ് (40), സിസ്റ്റര് എയിഞ്ചല് മേരി (85), സിസ്റ്റര് ലിസിയ (38) സിസ്റ്റര് അനുപമ (38) എന്നിവര്ക്കാണ് പരിക്കേറ്റത്.
തൃശൂരില് നിന്നും നെടുമങ്ങാട്ടേയക്ക് വരുന്നതിനിടയില് പിരപ്പന്കോട് വച്ചാണ് അപകടം ഉണ്ടായത്. വെള്ളിയാഴ്ച പുലര്ച്ചെ 4.15ന് സംസ്ഥാന പാതയില് പിരപ്പന്കോട് സെന്റ് ജോണ്സ് ആശുപത്രിയ്ക്ക് സമീപത്തായിരുന്നു അപകടം. ഫാദര് അരുണ് ആണ് വാഹനം ഓടിച്ചിരുന്നത്.
Discussion about this post