തിക്കോടി: കമ്യൂണിസ്റ്റ് പ്രസ്ഥാനത്തെ തിക്കോടിയിൽ കെട്ടിപ്പടുക്കുന്നതിൽ നിരവധി സംഭാവനകൾ നൽകിയ കൊയലേരി കുഞ്ഞികൃഷ്ണൻ നായർ (92) അന്തരിച്ചു. പുറക്കാട് പ്രദേശത്ത് കർഷക -കർഷക തൊഴിലാളി പ്രസ്ഥാനം കെട്ടിപ്പടുക്കുന്നതിൽ നേതൃസ്ഥാനം വഹിച്ചു. സി പി ഐ എം തിക്കോടി ലോക്കൽ കമ്മറ്റി അംഗമായി ദീർഘകാലം പ്രവർത്തിച്ചിരുന്നു.
പുറക്കാട് പ്രദേശത്തെ ആദ്യ പാർട്ടി ഘടകത്തിൽ അംഗമായിരുന്നു. തിക്കോടി പഞ്ചായത്ത് മെമ്പറായും പ്രവർത്തിച്ചിരുന്നു. റൂബി എസ്റ്റേറ്റ് മിച്ചഭൂമി സമരത്തിൽ നേതൃസ്ഥാനം വഹിച്ചു. കർഷക തൊഴിലാളി യൂനിയൻ തിക്കോടി പഞ്ചായത്ത് സെക്രട്ടറിയായും കൊയിലാണ്ടി ഏരിയാ കമ്മിറ്റി അംഗമായുംപ്രവർത്തിച്ചിരുന്നു.
ഭാര്യ: മീനാക്ഷിയമ്മ. മക്കൾ: രവി (റിട്ട: ആർമി), ശോഭന, മുരളീധരൻ, പ്രമീള. മരുമക്കൾ: ദാമോദരൻ നായർ (ചിങ്ങപുരം), ബാലകൃഷ്ണൻ നായർ (അയനിക്കാട്), വസന്ത (റിട്ട. പ്രധാനാധ്യാപിക പുറക്കാട് സൗത്ത് എൽ പി എസ്), മഞ്ജുള, സഹോദരങ്ങൾ: മീനാക്ഷിയമ്മ, ദേവകിയമ്മ, പരേതരായ നാരായണി അമ്മ, കല്യാണി അമ്മ, പത്മനാഭൻ നായർ.
Discussion about this post