പയ്യോളി : പുതുതായി ആരംഭിച്ച ഷോർണൂർ – കണ്ണൂർ സ്പെഷൽ ട്രെയിൻ ഇന്ന് മുതൽ പയ്യോളിയിൽ നിർത്തും. ഇന്ന് വൈകിട്ട് 6 12ന് കണ്ണൂരിലേക്കുള്ള യാത്രയ്ക്കിടെയാണ് പയ്യോളിയിൽ സ്റ്റോപ്പ് അനുവദിച്ചിട്ടുള്ളത്. അതേ സമയം ഇന്ന്, ആഗസ്റ്റ് 1ന് രാവിലെ ഷൊർണൂരിലേക്കുള്ള യാത്രക്കിടെ പയ്യോളിയിൽ സ്റ്റോപ്പ് ഉണ്ടായിരിക്കുന്നതല്ല എന്ന് വ്യക്തമായിട്ടുണ്ട്.
ചൊവ്വ, ബുധൻ, വ്യാഴം, വെള്ളി ദിവസങ്ങളിൽ കണ്ണൂർ ഭാഗത്തേക്കും ബുധൻ, വ്യാഴം, വെള്ളി, ശനി ദിവസങ്ങളിൽ ഷൊർണൂർ ഭാഗത്തേക്കുമാണ് ഈ ട്രെയിൻ സർവീസ് നടത്തുന്നത്. എം പി മാരായ പി ടി ഉഷയുെടെയും, ഷാഫി പറമ്പിലിൻ്റെയും ഇടപെടലിെനെ തുടർന്നാണ് പയ്യോളിയിൽ സ്റ്റോപ്പ് ലഭിച്ചത്.
ആദ്യം ഒരു മാസത്തേക്ക് മാത്രമായി പ്രഖ്യാപിച്ച ട്രെയിൻ ഇപ്പോൾ ഒക്ടോബർ അവസാനം വരെയായി ദീർഘിപ്പിച്ച ഉത്തരവിലാണ് പയ്യോളിക്ക് സ്റ്റോപ്പ് അനുവദിച്ചതായി പ്രഖ്യാപിച്ചത്. വയനാട് ദുരന്തത്തിന്റെ പശ്ചാത്തലത്തിൽ ലളിതമായ സ്വീകരണ പരിപാടികൾ മാത്രമാണ് സംഘടിപ്പിക്കുക.
Discussion about this post