തിരൂര്: നീങ്ങിത്തുടങ്ങിയ തീവണ്ടിയില്നിന്ന് പ്ലാറ്റ്ഫോമിലേക്ക് ചാടിയിറങ്ങിയ യുവാവിന് തീവണ്ടിക്കടിയില്പ്പെട്ട് ദാരുണാന്ത്യം. എളംകൂര് ചെറാംകുത്തില് മണലായിയിലെ കല്ലിങ്ങല് മഹേഷാണ് (22) ഞായറാഴ്ച പുലര്ച്ചെ തിരൂര് റെയില്വേസ്റ്റേഷനില് മരിച്ചത്.തിരുച്ചിറപ്പള്ളിയില് എം.ആര്.എഫ്. കമ്പനിയില് ഇലക്ട്രിക്കല് സൂപ്പര്വൈസറായ മഹേഷ് പോണ്ടിച്ചേരി-മംഗളൂരു എക്സ്പ്രസില് പോത്തന്നൂരില്നിന്നാണ് കയറിയത്.
തിരൂരില് വണ്ടി നിര്ത്തിയതറിയാന് വൈകിയെന്നു സംശയിക്കുന്നു. 4.58-ന് വണ്ടി വിട്ടപ്പോള് പെട്ടെന്ന് ചാടിയിറങ്ങുകയായിരുന്നു. കാല്തെറ്റി തീവണ്ടിക്കടിയിലേക്കു വീണു. സത്യകുമാറിന്റെയും സുനിതയുടെയും മകനാണ്. സഹോദരി: മഞ്ജിത. സുരേഷ്കുമാറാണ് സഹോദരീ ഭര്ത്താവ്.
Discussion about this post