നാഷണൽ ഡിഫൻസ് അക്കാദമിയിൽ പ്ലസ് ടു കഴിഞ്ഞവർക്ക് വൻ അവസരങ്ങൾ

കര, നാവിക, വ്യോമസേനകളിലെ 400 ഒഴിവുകളിലേക്ക് യൂണിയൻ പബ്ലിക് സർവീസ് കമ്മിഷൻ അപേക്ഷ ക്ഷണിച്ചു. സെപ്റ്റംബർ 4നു നടത്തുന്ന നാഷനൽ ഡിഫൻസ് അക്കാദമി ആൻഡ് നേവൽ അക്കാദമി പരീക്ഷ മുഖേനയാണു തിരഞ്ഞെടുപ്പ്.

എൻഡിഎയുടെ ആർമി, നേവി, എയർ ഫോഴ്സ് വിഭാഗങ്ങളിലെ 150-ാമത് കോഴ്സിലേക്കും നേവൽ അക്കാദമിയുടെ 112-ാമത് കോഴ്സിലേ മാണു പ്രവേശനം. അവിവാഹിതരായ പുരുഷ ന്മാർക്കും സ്ത്രീകൾക്കും അപേക്ഷിക്കാം. ജൂൺ 7 വരെ ഓൺലൈനായി അപേക്ഷിക്കാം. 2023 ജൂലൈ 2നു കോഴ്സ് തുടങ്ങും.

ഒഴിവ്: 400 (എൻഡിഎ: കരസേന-208, വ്യോമ സേന-120, നാവികസേന-42; നേവൽ അക്കാദ മി-30 (10+2 കേഡറ്റ് എൻട്രി സ്കീം പുരുഷൻ മാർ മാത്രം. പ്രായം: 2004 ജനുവരി രണ്ടിനു മുൻപും 2007 ജനുവരി ഒന്നിനു ശേഷവും ജനിച്ചവരാകരുത്.

യോഗ്യത:
നാഷനൽ ഡിഫൻസ് അക്കാദമി (ആർമി വിങ്): പ്ലസ് ടു ജയം/തത്തുല്യം.

നാഷനൽ ഡിഫൻസ് അക്കാദമിയുടെ എയർ ഫോ ഴ്സ്, നേവൽ വിങ്, നേവൽ അക്കാദമിയുടെ 10+2 കേഡറ്റ് എൻട്രി സ്കീം – ഫിസിക്സും കെമിസ്ട്രിയും മാത്തമാറ്റിക്സും പഠിച്ച് പ്ലസ് ടു ജയം/ തത്തുല്യം.

പ്ലസ് ടു പരീക്ഷ എഴുതുന്നവർക്കും ഫലം കാക്കുന്നവർക്കും അപേക്ഷിക്കാം. ഇവർ 2023 ജൂൺ 24നു മുൻപു യോഗ്യതാരേഖ ഹാ ജരാക്കണം. മുൻപു സിപിഎസ്എസ്/പിഎബിടി പരീക്ഷകളിൽ പരാജയപ്പെട്ടവരെ വ്യോമസേന യിലേക്കു പരിഗണിക്കില്ല. ശാരീരികയോഗ്യത സംബന്ധിച്ച വിവരങ്ങൾക്കു വെബ്സൈറ്റിലെ വിജ്ഞാപനം കാണുക.

തിരഞ്ഞെടുപ്പ്:

എഴുത്തുപരീക്ഷ, ഇന്റർവ്യൂ എന്നിവയുടെ അടിസ്ഥാനത്തിൽ തിരുവനന്ത പുരവും കൊച്ചിയും കോഴിക്കോടും പരീക്ഷാകേന്ദ്രങ്ങളാണ്.

മാത്തമാറ്റിക്സ് (കോഡ് 01, രണ്ടര മണിക്കൂർ, 300 മാർക്ക്),

ജനറൽ എബിലിറ്റി ടെ സ് (കോഡ്-02, രണ്ടര മണിക്കൂർ, 600 മാർക്ക്)

എന്നിവ അടിസ്ഥാനമാക്കി ഒബ്ജക്ടീവ് മാതൃക യിൽ എഴുത്തുപരീക്ഷയുണ്ടാകും. തുടർന്നു 900 മാർക്കുള്ള എസ്എസ്ബി ഇന്റർവ്യൂ നടത്തും.

അപേക്ഷാഫീസ്: 100 രൂപ. ഓൺലൈൻ ബാ ങ്കിങ് വഴിയോ എസ്ബിഐ ശാഖയിലൂടെ നേരിട്ടോ ഫീസടയ്ക്കാം. വനിതകൾക്കും പട്ടി കവിഭാഗക്കാർക്കും ജെസിഒ, എൻസിഒ, ഒആർ റാങ്കുകളിൽ സേവനമനുഷ്ഠിക്കുന്നവരുടെയും വിരമിച്ചവരുടെയും മക്കൾക്കും നിബന്ധനകൾക്കു വിധേയമായി ഫീസിളവ് ലഭിക്കും.

അപേക്ഷിക്കേണ്ട വിധം: www.upsconline.nic. in എന്ന വെബ്സൈറ്റ് മുഖേന രണ്ടു ഘട്ടമായി അപേക്ഷ പൂരിപ്പിക്കണം.