പൂക്കാട് കൊളക്കാട് തേങ്ങാകൂടയ്ക്ക് തീപിടിച്ചു.

പൂക്കാട് : പൂക്കാട് കൊളക്കാട് തേങ്ങാകൂടയ്ക്ക് തീപിടിച്ചു. ഇന്ന് (തിങ്കളാഴ്‌ച) വൈകുന്നേരം 5മണിയോടെ ആണ്‌ സംഭവം. കൊളക്കാട് യു പി സ്കൂളിനു സമീപത്തുള്ള മണ്ണ്ണാർകണ്ടി മൊയ്തീൻ എന്ന ആളുടെ തേങ്ങകൂടക്കാണു തീപിടിച്ചത്. വിവരം അറിഞ്ഞതിനെ തുടർന്ന് കൊയിലാണ്ടിയിൽ നിന്നും അസിസ്റ്റന്റ്  സ്റ്റേഷൻ ഓഫീസർ പ്രമോദ് പി കെ യുടെ

നേതൃത്വത്തിൽ അഗ്നിശമന സേനാംഗങ്ങൾ എത്തുകയും തീ കെടുത്തുകയും ചെയ്തു. ഏകദേശം 3000 തേങ്ങയോളം കത്തിനശിച്ചു. 30,000 രൂപയുടെ നഷ്ടം കണക്കാക്കുന്നു. ഗ്രേഡ് അസിസ്റ്റൻറ് സ്റ്റേഷൻ ഓഫീസർ പ്രദീപ് ഫയർ&റെസ്ക്യൂ ഓഫീസർമാരായ ശ്രീകാന്ത് ,ബിനീഷ്,നിധിപ്രസാദ്‌,ഇർഷാദ്,സനൽരാജ്,ഹോംഗാർഡ്,ബാലൻ,പ്രദീപ്കുമാർ എന്നിവരും രക്ഷാപ്രവർത്തനത്തിൽ ഏർപ്പെട്ടു.