കൊയിലാണ്ടി: അമിഗോസ് ബാഡ്മിന്റൺ അക്കാദമി സംഘടിപ്പിച്ച ദക്ഷിണേന്ത്യൻ ബാഡ്മിന്റൺ ടൂർണമെൻ്റ് സമാപിച്ചു. ടൂർണമെന്റിൽ ‘കാർ ൻ കെയർ’ കൊയിലാണ്ടിക്ക് വേണ്ടി കളിച്ച ഹരി, നവനീത് ടീം വിജയികളായി. ‘സംവാദ് മൊബൈൽസ്’ കാലിക്കറ്റിനു വേണ്ടി കളിച്ച റോഷനും ഷിജാസുമാണ് റണ്ണറപ്പ്.
പുരുഷന്മാരുടെ ഡബിൾസ് വിഭാഗത്തിൽ നടന്ന ടൂർണ്ണമെൻ്റ് കാനത്തിൽ ജമീല എം എൽ എ ഉദ്ഘാടനം ചെയ്തു. ചെങ്ങോട്ടുകാവ് ഗ്രാമപഞ്ചായത്ത് വൈസ് പ്രസിഡൻ്റ് പി വേണു അധ്യക്ഷത വഹിച്ചു. കെ എം രാജീവൻ, സഹീർ ഗാലക്സി പ്രസംഗിച്ചു.
ടൂർണമെൻ്റിൽ ദക്ഷിണേന്ത്യയിലെ മികച്ച 12 ടീമുകളാണ് ഏറ്റുമുട്ടിയത്. സവ ഗോൾഡ്, ജാസ് ഗോൾഡ്, ഡിഎക്സ്ബി കൊയിലാണ്ടി, യുണൈറ്റഡ് സ്പോർട്സ്, റിയ ട്രാവൽസ്, പി കെ ട്രേഡേഴ്സ് എന്നിവരാണ് മറ്റ് ടീമുകളുടെ പ്രായോജകർ.
Discussion about this post