കൊയിലാണ്ടി: താമസ സ്ഥലത്ത് ഗ്യാസ് സിലിണ്ടർ പൊട്ടിത്തെറിച്ചു. വൻ ദുരന്തം ഒഴിവായി. ഉള്ളിയേരി മുണ്ടോത്ത് ഇയ്യോത്ത് മീത്തൽ സിറാജിൻ്റെ വീട്ടിലെ ഗ്യാസ് സിലിണ്ടർ ആണ് ഇന്ന് പുലർച്ചെ മൂന്ന് മണിയോടെ പൊട്ടിത്തെറിച്ചത്.
ഗൃഹനാഥനും ഭാര്യയും മൂന്നു മക്കളും അടങ്ങിയ കുടുംബം ഷെഡ്ഡിൽ ആയിരുന്നു താമസിച്ചിരുന്നത്. ഇവിടെയാണ് പൊട്ടിത്തെറി ഉണ്ടായത്. ഇവർക്ക് പരിക്ക്പറ്റിയിട്ടില്ല.
വീടില്ലാത്തതിനാൽ ഷെഡ്ഢിലാണ് ഇവർ താമസിക്കുന്നത്. അടുപ്പിനോട് ചേർന്നായിരുന്നു ഗ്യാസ് സൂക്ഷിച്ചിരുന്നത്. ഷെഡ്ഡിലെ വാതിലും തൂണുകളും ഭക്ഷണ പാത്രങ്ങളും സ്ഫോഫോടനത്തിൽ തകർന്നു.
വിവരം വിവരമറിയിച്ചതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന സ്റ്റേഷൻ ഓഫീസർ സി പി ആനന്ദൻ്റെ നേതൃത്വത്തിൽ ഗ്രേഡ് അസിസ്റ്റൻറ് സ്റ്റേഷൻ ഓഫീസർ പ്രദീപ്, ഫയർ ആൻ്റ് റെസ്ക്യൂ ഓഫീസർ സി സിജിത്, കെ പി റഷീദ്‌, ഹോം ഗാർഡ് സുജിത്ത് എന്നിവർ സ്ഥലത്തെത്തി പരിശോധന നടത്തി.
രാത്രി ഒമ്പതുമണിയോടെ കത്തിച്ച അടുപ്പിൽനിന്നും തീപടർന്ന് ചൂടുകൂടി സിലിണ്ടർ പൊട്ടിത്തെറിച്ചതാകാം എന്ന് അനുമാനിക്കുന്നു.
Discussion about this post