ഓസ്ട്രേലിയയിൽ നിന്ന് നാട്ടിലെത്തിയത് രണ്ട് ദിവസം മുമ്പ്; കരുവണ്ണൂരിലുണ്ടായ വാഹനാപകടത്തിൽ പേരാമ്പ്ര സ്വദേശിയായ വിദ്യാർത്ഥി മരിച്ചു

കോഴിക്കോട്: കോഴിക്കോട് വെച്ച് സ്കൂട്ടറും കാറും കൂട്ടിയിടിച്ചു ബൈക്ക് യാത്രക്കാരനായ യുവാവ് മരിച്ചു. പേരാമ്പ്ര ചങ്ങരോത്ത് മുതുവണ്ണാച്ച സ്വദേശി അശ്വിൻ രാജ് (22) ആണ് മരിച്ചത്.

ഇന്ന് രാവിലെ 8:30 യോടെ നടുവണ്ണൂർ-പേരാമ്പ്ര റോഡിൽ കരുവണ്ണൂരിൽ വെച്ചാണ് അപകടം സംഭവിച്ചത്. അശ്വിൻ പേരാമ്പ്ര ഭാഗത്തേക്ക് സ്‌കൂട്ടറിൽ പോകുന്നതിനിടെയാണ് അപകടമുണ്ടായത്.

ഉടൻ തന്നെ നാട്ടുകാർ മൊടക്കല്ലൂർ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഓസ്‌ട്രേലിയയിൽ പഠിക്കുന്ന വിദ്യാർത്ഥിയാണ് അശ്വിൻ. രണ്ടു ദിവസം മുമ്പായിരുന്നു നാട്ടിലെത്തിയത്.