സ്റ്റാർ വിഷൻ എക്സലൻസ് അവാർഡ്; ബ്രോഷർ പ്രകാശനം നിർവ്വഹിച്ചു

ദുബൈ: ഇശൽ എമിറേറ്റ്സ് 20ാം വാർഷികത്തിന്റെ ഭാഗമായി സ്റ്റാർ വിഷൻ മീഡിയ ഒരുക്കുന്ന ഇശൽ അറേബ്യ മാപ്പിളപ്പാട്ട് റിയാലിറ്റി ഷോയുടെയും സ്റ്റാർ വിഷൻ എക്സലൻസ് അവാർഡിന്റെയും ബ്രോഷർ പ്രകാശന ചടങ്ങ്  യൂനിക് വേൾഡ് ഹാളിൽ സംഘടിപ്പിച്ചു. ഇശൽ അറേബ്യ സ്റ്റേജ് ഷോ സ്റ്റാർ വിഷൻ എക്സലൻസി അവാർഡ് ജൂറി വൈസ് ചെയർമാനും സാമൂഹ്യ സാംസ്കാരിക പ്രവർത്തകനുമായ പുന്നക്കൽ മുഹമ്മദലി ദുബൈ യൂനിക് വേൾഡ് ബിസ്നസ് ഗ്രൂപ്പ് ഡയരക്ടർ മുഹമ്മദലിക്ക് ബ്രോഷർ നൽകി നിർവ്വഹിച്ചു. ഇശൽ അറേബ്യ മാപ്പിളപ്പാട്ട് റിയാലിറ്റിഷോയുടെ ബ്രോഷർ മുഹമ്മദലി കണ്ണൂരും, ബെല്ലോ ബഷീറും ചേർന്ന്  ജോർജിയോ ഗ്രൂപ്പ് എം.ഡി പി. പി ബിജുവിന് നൽകി നിർവ്വഹിച്ചു. ചടങ്ങിൻ്റെ ഉദ്ഘാടനം

യൂനിക് വേൾഡ് ഡയരക്ടർ മുഹമ്മദലി നിർവ്വഹിച്ചു.

ഇശൽ എമിറേറ്റ്സ് ജനറൽ സെക്രട്ടറിയും സ്റ്റാർ വിഷൻ മീഡിയ ഹെഡുമായ ബഷീർ തിക്കോടി (ഇശൽ), ടി.ഖാലിദ്, പി.പി ബിജു, നിസാർ വയനാട്, ഫത്താഹ് റഹ്മാൻ , മോഹൻ പി. പൊന്നാനി, റഗിലേഷ് , സഹദ് എന്നിവർ സംസാരിച്ചു.