കൊയിലാണ്ടി: ആറു വയസ്സുകാരിയെ ലൈംഗികമായി ഉപദ്രവിച്ച പ്രതിക്ക് ഏഴു വർഷം കഠിന തടവും രണ്ടു ലക്ഷത്തി ഇരുപത്തി അയ്യായിരം രൂപ പിഴയും വിധിച്ചു. നടുവണ്ണൂർ സ്വദേശി മന്ദംകാവ് ലക്ഷം വീട് കോളനി വാസു (61) വിനാണ് കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് ടി പി അനിൽ ശിക്ഷ വിധിച്ചത്.
2019 ൽ ആണ് കേസ് ആസ്പദമായ സംഭവം. കളിച്ചു കൊണ്ടിരുന്ന കുട്ടിയെ മിഠായി തരാം എന്ന് പറഞ്ഞു വിളിച്ചു വരുത്തി ഉപദ്രവിക്കുകയായിരുന്നു. പെൺകുട്ടി രക്ഷിതാക്കളോട് ഉപദ്രവിച്ച കാര്യം പറഞ്ഞതിനെ തുടർന്ന് പരാതി നൽകുകയായിരുന്നു.
ബാലുശ്ശേരി പോലീസ് രജിസ്റ്റർ ചെയ്ത കേസ്, താമരശ്ശേരി ഡി വൈ എസ് പി കെ പി അബ്ദുൽ റസാഖ് ആണ് കേസ് അന്വേഷിച്ചത്. പ്രോസിക്യൂഷന് വേണ്ടി അഡ്വ പി ജെതിൻ ഹാജരായി.
Discussion about this post