പയ്യോളി: കരകൗശല വസ്തുക്കളുടെ മാസ്മരിക ലോകമൊരുക്കി സർഗാലയ അന്താരാഷ്ട്ര കരകൗശലമേള നാലാം ദിവസം. ലോകത്തിൻ്റെ വിവിധ കോണുകളിൽ നിന്നുമെത്തിയ കരകൗശല വിദഗ്ധധർ തീർത്ത വിസ്മയ ലോകത്തിലേക്ക് കാണുന്നതിനും വാങ്ങുന്നതിനുമായെത്തുന്നവരുടെ തിരക്ക് ഓരോ ദിവസം പിന്നിടുമ്പോഴും വർദ്ധിച്ചുവരികയാണ്.
കലാ-കരകൗശല മേളയ്ക്ക് പുറമെ കാർണിവലും ഒരുക്കിയിട്ടുണ്ട്. കൂടാതെ, കണ്ണിനും കാതിനും കുളിർമയേകി എല്ലാ ദിവസവും വൈകീട്ട് വിവിധ മേഖലകളിലെ കലാപ്രതിഭകൾ മാറ്റുരയ്ക്കുന്ന കലാപരിപാടികളും അരങ്ങേറും.
ഇന്ന് വൈകീട്ട് 6 മുതൽ മുരളി വാഴയൂരും സംഘവും അവതരിപ്പിക്കുന്ന തിറയാട്ടം, രാജീവ് മേമുണ്ടയുടെ മാജിക് ഷോ, നിപുണ്യ വടകരയുടെ നാടോടി നൃത്തം, ശിവപാദം സ്കൂൾ ഓഫ് ഡാൻസ് അവതരിപ്പിക്കുന്ന നൃത്ത പരിപാടി, കോട്ടക്കൽ ഇരിഫായി ദഫ് സംഘം നജീബും സംഘവും അവതരിപ്പിക്കുന്ന കോൽക്കളി, കുഞ്ഞിരാമൻ മാസ്റ്ററും സംഘവും അവതരിപ്പിക്കുന്ന പാവകളി എന്നിവ അരങ്ങേറും.
Discussion about this post