സ്‌ട്രോങ്ങാണെന്ന് സജി ചെറിയാന്‍; എംഎല്‍എ ബോര്‍ഡ് വെച്ച കാറില്‍ സഭയിലേക്ക്;പ്രതിഷേധത്തിന് പ്രതിപക്ഷം

ഇതിനിടെ സജിചെറിയാനെതിരേ കേസെടുക്കാന്‍ തിരുവല്ല കോടതി ഉത്തരവിട്ടതോടെ പ്രതിപക്ഷം ഇന്നും നിയമസഭയില്‍ പ്രതിഷേധം ശക്തമാക്കാനാണ് തീരുമാനിച്ചിരിക്കുന്നത്. മന്ത്രി സ്ഥാനം മാത്രമല്ല, എം.എല്‍.എ സ്ഥാനവും രാജിവെക്കണമെന്ന നിലപാടിലാണ് പ്രതിപക്ഷം. എന്നാൽ എം.എല്‍.എ സ്ഥാനം രാജിവെക്കേണ്ടെ ആവശ്യമില്ലെന്നാണ് സി.പി.എം പറയുന്നത്.

വിഷയത്തില്‍ മുഖ്യമന്ത്രി ഇതുവരെ പ്രതികരിച്ചില്ലെങ്കിലും നിയമസഭയില്‍ പ്രതിപക്ഷം വിഷയം ഉന്നയിക്കുമ്പോള്‍ മുഖ്യമന്ത്രിയുടെ പ്രതികരണമുണ്ടാവുമെന്നാണ് അറിയുന്നത്. ഇന്നലെ എട്ടുമിനിറ്റ് കൊണ്ട് സഭാ നടപടികള്‍ അവസാനിച്ചുവെങ്കിലും ഇന്ന് ചോദ്യോത്തരവേളയടക്കം മുന്നോട്ട് പോവും. സര്‍ക്കാരിന്റെ തെറ്റായ സാമ്പത്തിക നയത്തില്‍ പ്രതിപക്ഷം അടിയന്തര പ്രമേയത്തിനും നോട്ടീസ് നല്‍കിയിട്ടുണ്ട്.