കൊച്ചി: നമ്പര് 18 ഹോട്ടല് ഉടമ റോയി വയലാറ്റിനെതിരായ പോക്സോ കേസ് പരാതി പിന്വലിക്കുന്നതിന് 50 ലക്ഷം രൂപ വാഗ്ദാനം ചെയ്തെന്ന വെളിപ്പെടുത്തലുമായി പരാതിക്കാരി. അഞ്ജലിയുമായി അടുപ്പമുള്ളയാള് ഇന്നു രാവിലെ തന്നോട് കേസ് സാമ്പത്തികമായി സെറ്റില് ചെയ്തു കൂടെ എന്നു ചോദിച്ചിരുന്നു.തനിക്കു പ്രതികളുടെ ഭാഗത്തുനിന്നു ഭീഷണിയുണ്ട് പരാതിക്കാരി പറയുന്നു. കേസിലെ കൂട്ടുപ്രതി അഞ്ജലി റീമ ദേവ് പെണ്കുട്ടികളെ ഹോട്ടലില് കൊണ്ടുവന്നു താമസിപ്പിക്കുകയും ഭക്ഷണം വാങ്ങി നല്കുകയും ചെയ്തെന്നു സമ്മതിക്കുന്ന സംഭാഷണം പുറത്തു വന്നിട്ടുണ്ട്. പ്രതികള്ക്കെതിരെ ശക്തമായ തെളിവു ലഭിച്ചതായി എറണാകുളം സിറ്റി പൊലീസ് ഡപ്യൂട്ടി കമ്മിഷണര് മാധ്യമങ്ങളോടു വെളിപ്പെടുത്തിയിരുന്നു. ഇതിന് പിന്നാലെയാണ് പരാതിക്കാരിയുടെ പുതിയ വെളിപ്പെടുത്തല്.
പ്രായപൂര്ത്തിയാകാത്ത പെണ്കുട്ടിയെ റോയി ലൈംഗികമായി ദുരുപയോഗം ചെയ്യാന് ശ്രമിച്ചെന്ന പരാതിയില് പൊലീസ് എഫ്ഐആര് രജിസ്റ്റര് ചെയ്തതിനു പിന്നാലെയാണ്, അദ്ദേഹത്തിനായി എറണാകുളം സ്വദേശിയായ ഒരു അഭിഭാഷകന് രംഗത്തെത്തിയത്. ഓഫിസില് അഭിഭാഷകന് എത്തി പണം വാഗ്ദാനം ചെയ്തതിന്റെ സിസിടിവി വിഡിയോ ദൃശ്യങ്ങള് പക്കലുണ്ട്. ഇവ പുറത്തുവിടാന് തയാറാണ്. പ്രതികള് മുന്കൂര് ജാമ്യാപേക്ഷയുമായി ഹൈക്കോടതിയെ സമീപിച്ചതിന് പിന്നാലെയാണ് കൂടുതല് വിവരങ്ങള് പുറത്തു വരുന്നത്. ഹര്ജി ബുധനാഴ്ച ഹൈക്കോടതി പരിഗണിക്കും
Discussion about this post