തിരുവനന്തപുരം: കേന്ദ്രമന്ത്രിമാരെ പരിഹസിച്ച് പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ്. കേരളത്തില് വരുന്ന കേന്ദ്രമന്ത്രിമാര് ദേശീയപാതയിലെ കുഴികള് എണ്ണാനും അത് അടയ്ക്കാനും തയ്യാറാകണം. വി. മുരളീധരന് നടത്തുന്ന പത്രസമ്മേളനത്തെക്കാള് കൂടുതല് കുഴികള് കേരളത്തിലെ ദേശീയപാതകളിലുണ്ട്. പലതവണ ഇത് ശ്രദ്ധയില്പ്പെടുത്തിയിട്ടും പരിഹരിക്കാന് ഒരു ഇടപെടലും മുരളീധരന് നടത്തിയില്ലെന്നും റിയാസ് കുറ്റപ്പെടുത്തി.
വിഷയം ശ്രദ്ധയില്പ്പെടുത്തിയിട്ടും പരിഹരിക്കാന് ഒരു ഇടപെടലും നടത്തിയില്ല. ഇപ്പോള് നമ്മുടെ സംസ്ഥാനത്തേക്ക് ഒരുപാട് കേന്ദ്രമന്ത്രിമാര് വരുന്നുണ്ട്. അത്തരം കേന്ദ്രമന്ത്രിമാര് ദേശീയപാത അതോറിറ്റിയുടെ കീഴിലുള്ള റോഡുകളുടെ കുഴികള് എണ്ണാനും അത് അടയ്ക്കാനും കൂടി ചുമതലയെടുത്ത് ശ്രദ്ധിക്കുന്നത് നന്നാകും’- റിയാസ് നിയമസഭയില് പറഞ്ഞു.കേന്ദ്ര മന്ത്രി എസ്. ജയ്ശങ്കര് കഴിഞ്ഞ ദിവസം തിരുവനന്തപുരത്ത് എത്തിയപ്പോള് കഴക്കൂട്ടം മേല്പ്പാലം സന്ദര്ശിച്ചതിനെ മുഖ്യമന്ത്രി പിണറായി വിജയനും നേരത്തെ വിമര്ശിച്ചിരുന്നു.
Discussion about this post