വ്രതാനുഷ്ഠാനം എങ്ങനെയാവണം?

ഇമാം ഗസ്സാലി(റ)യുടെ ഉപദേശങ്ങൾ

📌 നോമ്പുകാരൻ തൻ്റെ കണ്ണിനെ നിയന്ത്രിക്കണം.
അന്യസ്ത്രീ ഉൾപ്പെടെ കാണൽ നിഷിദ്ധമായ കാര്യങ്ങളിൽ നിന്നെല്ലാം കണ്ണിനെ നിയന്ത്രിക്കുക.

‘നോട്ടം പിശാചിൻ്റെ അസ്ത്രങ്ങളിൽ പെട്ടതാണ് ‘

എന്ന പ്രവാചക വചനം ഇതോട് ചേർത്തു വായിക്കേണ്ടതാണ്.

📌  നാവിനെ സൂക്ഷിക്കുക.
നിഷിദ്ധമായ സംസാരങ്ങളും ഉപകാരമില്ലാത്ത സംസാരങ്ങളും നോമ്പുകാരൻ ഒഴിവാക്കണം.
മറ്റൊരാളുടെ അഭിമാനത്തെ കളങ്കപ്പെടുത്തുക, പരിഹസിക്കുക, കളവ് പറയുക, പരദൂഷണം പറയുക, കളവ് തുടങ്ങിയ തിന്മകളെല്ലാം നോമ്പുസമയത്തും അല്ലാത്തപ്പോഴും ഉപേക്ഷിക്കണം

📌 കർണ്ണത്തെ സൂക്ഷിക്കുക.
നാവുകൊണ്ട് പറയൽ നിഷിദ്ധമാക്കപ്പെട്ട മുഴുവൻ കാര്യങ്ങളും കാത് കൊണ്ട് കേൾക്കലും പാടില്ലാത്തതാണ്. പ്രവാചകൻ (സ) പറഞ്ഞു: പരദൂഷണം പറയുന്നവരും അത് കേൾക്കുന്നവരും പാപത്തിൽ തുല്യരാണ്.

📌 മറ്റുള്ള മുഴുവൻ അവയവങ്ങളെയും സൂക്ഷിക്കുക.
നിരോധിക്കപ്പെട്ട വസ്തുവിനെ പിടിക്കുക, അത്തരം കാര്യങ്ങൾക്ക് വേണ്ടി നടന്ന് പോവുക തുടങ്ങി കൈകാലുകൾ കൊണ്ടുള്ള പാപത്തെ തടയുക.

യഥാർത്ഥ മുസ്ലിം അവൻ്റെ കൈ, നാവ്, എന്നീ അവയവങ്ങൾ കൊണ്ട് മറ്റൊരാൾക്കും പ്രയാസങ്ങൾ സൃഷ്ടിക്കാത്തവനാണെന്നാണ് പ്രവാചകൻ അരുളിയത്.