തിരുവനന്തപുരം: സംസ്ഥാനത്ത് വരും ദിവസങ്ങളിലും ഇടിമിന്നലോട് കൂടി മഴ കനക്കും. വടക്കന് കര്ണാടക മുതല് മാന്നാര് കടലിടുക്ക് വരെ സ്ഥിതിചെയ്തിരുന്ന ന്യുനമര്ദ്ദപാത്തി ദുര്ബലമായതാണ് മഴയ്ക്ക് കാരണമെന്നാണ് കാലാവസ്ഥാ വകുപ്പ് അറിയിച്ചത്.
ശ്രീലങ്കക്കും മുകളിലും സമീപപ്രദേശങ്ങളിലുമായി ചക്രവാതചുഴി നിലനില്ക്കുന്നതിനാല് മഴ തുടരാനാണ് സാധ്യത. അടുത്ത അഞ്ച് ദിവസത്തോളം ഇടിമിന്നലോട് കൂടിയ കനത്ത മഴ തുടരാന് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിരിക്കുന്നത്.
ഇന്നും വിവിധ പ്രദേശങ്ങളില് ഒറ്റപ്പെട്ട ശക്തമായ മഴ ലഭിക്കും. എന്നാല് കേരള തീരത്ത് മത്സ്യബന്ധനത്തിന് വിലക്കില്ല. മഴയ്ക്കൊപ്പം കാറ്റിനും ഇടിമിന്നലിനും സാധ്യത യുള്ളതിനാല് ജാഗ്രത പാലിക്കണം.
മധ്യകേരളത്തിലും തെക്കന് കേരളത്തിലുമാണ് വ്യാപക മഴയ്ക്ക് സാധ്യത. അതേസമയം ഒരു ജില്ലകളിലും ഇന്ന് അലര്ട്ടുകള് പ്രഖ്യാപിച്ചിട്ടില്ല.
Discussion about this post