തിരുവനന്തപുരം: ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടു. കേരളത്തിൽ ഒറ്റപ്പെട്ട മഴയത്ത് സാധ്യത. ബംഗാള് ഉള്ക്കടലിന്റെ തെക്ക് കിഴക്കന് മേഖലയിലാണ് ന്യൂനമര്ദ്ദം രൂപപ്പെട്ടത്.
പടിഞ്ഞാറ്, വടക്ക് പടിഞ്ഞാറു ദിശയില് സഞ്ചരിക്കുന്ന ന്യൂനമര്ദ്ദം കൂടുതല് ശക്തി പ്രാപിച്ചു അടുത്ത 3 ദിവസത്തിനുള്ളില് ശ്രീലങ്ക തീരത്തേക്ക് സഞ്ചരിക്കാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ന്യൂനമര്ദ്ദത്തിന്റെ സ്വാധീനഫലമായി മാര്ച്ച് 5, 6, 7 തീയതികളില് കേരളത്തില് ഒറ്റപ്പെട്ട മഴക്ക് സാധ്യതയുണ്ടെന്നും കാലാവസ്ഥ വകുപ്പിന്റെ മുന്നറിയിപ്പില് പറയുന്നു.
Discussion about this post