ന്യൂഡല്ഹി: റെയില്വെ സ്റ്റേഷനില് യുവതിയെ കൂട്ടബലാത്സംഗം ചെയ്ത സംഭവത്തില് നാല് പേര് അറസ്റ്റില് ഡല്ഹി റെയില്വേ സ്റ്റേഷനിലെ ഇലക്ട്രിക്കല് മെയിന്റനൻസ് സ്റ്റാഫ് റൂമില്വെച്ചാണ് മുപ്പതുവയസ്സുകാരി കൂട്ടബലാത്സംഗത്തിന് ഇരയായത്. വ്യാഴാഴ്ച രാത്രിയാണ് സംഭവം .
കേസില് സതീഷ് കുമാര്(35) വിനോദ് കുമാര്(38) മംഗള്ചന്ദ് മീണ(33) ജഗദീഷ് ചന്ദ്(37) എന്നിവരെയാണ് അറസ്റ്റ് ചെയ്തിട്ടുള്ളത്. ഇവരെല്ലാം റെയില്വേയിലെ ഇലക്ട്രിക്കല് വിഭാഗത്തിലെ ജീവനക്കാരാണ്. പ്രതികളില് രണ്ടുപേരാണ് യുവതിയെ മുറിയില് പൂട്ടിയിട്ട് ബലാത്സംഗം ചെയ്തത്. മറ്റുരണ്ടുപേര് മുറിക്ക് പുറത്ത് കാവല് നില്ക്കുകയായിരുന്നു.
വെള്ളിയാഴ്ച പുലര്ച്ചെ 3.27-ഓടെയാണ് യുവതി ഫോണില്വിളിച്ച് പൊലീസിനെ പരാതി അറിയിച്ചത്. തുടര്ന്ന് പോലീസ് അന്വേഷണം നടത്തുകയും പ്രതികളെ പിടികൂടുകയുമായിരുന്നു.
Discussion about this post