പയ്യോളി: കടുത്ത ജലക്ഷാമവും വരൾച്ചയും അനുഭവപ്പെടുന്ന പാലക്കാട് ജില്ലയിൽപ്പെടുന്ന പ്രദേശങ്ങളിലെ ജനങ്ങളുടെ ആശങ്ക അകറ്റി കൊണ്ട് മാത്രമെ ബ്രുവെറി വിഷയത്തിൽ തീരുമാനപ്പെടുക്കാവൂ എന്ന്‌ ആർ ജെ ഡി നേതാവും നിയമസഭാ കക്ഷി നേതാവുമായ കെ പി മോഹനൻ എം എൽ എ പറഞ്ഞു.
ജനങ്ങളെ ബാധിക്കുന്ന വിഷയത്തെ സംബന്ധിച്ച് മുന്നണിയിൽ ചർച്ച ചെയ്യണമെന്നും അദ്ദേഹം ആവശ്യപ്പെട്ടു.
പ്രമുഖ സോഷ്യലിസ്റ്റും, സഹകാരിയുമായിരുന്ന എം പി കുഞ്ഞിരാമന്റെ പത്തൊമ്പതാമത് ചരമവാർഷിക ദിനത്തിൽ ആർ ജെ ഡി പയ്യോളി മുൻസിപ്പൽ കമ്മറ്റിയുടെ നേതൃത്വത്തിൽ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ആർ ജെ ഡി പയ്യോളി മുൻസിപ്പൽ പ്രസിഡൻ്റ് പി ടി രാഘവൻ അധ്യക്ഷത വഹിച്ചു. കൊയിലാണ്ടി മണ്ഡലം പ്രസിഡൻ്റ് കുയ്യണ്ടി രാമചന്ദ്രൻ അനുസ്മരണ പ്രഭാഷണം നടത്തി. കൊളാവിപ്പാലം രാജൻ, ചെറിയാവി സുരേഷ് ബാബു, പുനത്തിൽ ഗോപാലൻ, കെ വി ചന്ദ്രൻ, എം ടി നാണു പ്രസംഗിച്ചു. പി പി മോഹൻദാസ് സ്വാഗതവും മഹിള ജനത പയ്യോളി മുൻസിപ്പൽ പ്രസിഡൻ്റ് സിന്ധു ശ്രീശൻ നന്ദിയും പറഞ്ഞു.
Discussion about this post