കണ്ണൂര്: പുന്നോല് ഹരിദാസ് വധക്കേസ് പ്രതി നിജില് ദാസ് ഒളിവില് കഴിഞ്ഞ വീടിനുനേരെയുണ്ടായ ബോംബേറില് ബന്ധമില്ലെന്നും പാര്ട്ടി നിര്ദേശം നല്കിയിട്ടില്ലെന്നും സി പി ഐ എം പിണറായി ബ്രാഞ്ച് സെക്രട്ടറി കക്കോത്ത് രാജന്. സ്വാഭാവികമായ വൈകാരിക പ്രകടനം ഉണ്ടായോ എന്ന് പറയാനാകില്ലെന്നും രാജന് പറഞ്ഞു.
മാഹിയിലെ സി പി ഐ എം പ്രവര്ത്തകന് പുന്നോല് ഹരിദാസ് വധക്കേസിലെ പ്രതിയെ താമസിപ്പിച്ച വീടിന് നേരെയാണ് ഇന്നലെ ബോംബേറ് ഉണ്ടായത്. കഴിഞ്ഞ ദിവസം പിടിയിലായ നിജില് ദാസിനെ ഒളിവില് താമസിപ്പിച്ച പിണറായി പാണ്ട്യാല മുക്കിലെ വീടിന് നേരെയായിരുന്നു ബോംബേറ്. ആക്രമണത്തില് വീടിന് കേടുപാടുകള് പറ്റി.
പ്രതിയെ ഒളിവില് താമസിപ്പിച്ചതിന് വീട്ടുടമസ്ഥയായ അധ്യാപിക രേഷ്മയെ പൊലീസ് അറസ്റ്റ് ചെയ്തിരുന്നു. പുന്നോല് അമൃത വിദ്യാലയം അധ്യാപികയാണിവര്. ഹരിദാസ് വധത്തിന് പിന്നില് ആര് എസ് എസ് പ്രവര്ത്തകന് നിജില് ദാസ് ആണെന്ന് തുടക്കം മുതല് സി പി ഐ എം ആരോപിക്കുന്നുണ്ടായിരുന്നു.
Discussion about this post