പരീക്ഷയെ ഉത്സവമാക്കി മാറ്റുക, ചെയ്യുന്നതെന്തും ആത്മവിശ്വാസത്തോടെ ചെയ്യുക: പ്രധാനമന്ത്രി

ന്യൂഡൽഹി: പരീക്ഷ ഉത്സവമാക്കി മാറ്റണമെന്നും നിങ്ങൾ ചെയ്യുന്നതെന്തും ആത്മവിശ്വാസത്തോടെ ചെയ്യുകയാണ് വേണ്ടതെന്നും പരീക്ഷാ പേ ചർച്ചയുടെ അഞ്ചാം പതിപ്പിൽ വിദ്യാർത്ഥികളോടും രക്ഷിതാക്കളോടും സംസാരിക്കുകയായിരുന്നു പ്രധാനമന്ത്രി നരേന്ദ്ര മോദി. പരീക്ഷയിൻമേലുള്ള ആശങ്ക വിദ്യാർത്ഥികൾക്കല്ല മാതാപിതാക്കൾക്കാണ് എന്നും അദ്ദേഹം പറഞ്ഞു. പതിനഞ്ച് ലക്ഷത്തോളം പേർ പരിപാടിയിൽ പങ്കെടുത്തു

സമയക്കുറവ് മൂലം പരീക്ഷാ പേയിൽ ചർച്ച ചെയ്യപ്പെടാതെ പോകുന്ന വിദ്യാർത്ഥികളുടെ എല്ലാ ചോദ്യത്തിനും നമോ ആപ്പിൽ വീഡിയോകളിലൂടെയും ഓഡിയോ സന്ദേശങ്ങളിലൂടെയും മറുപടി നൽകുമെന്ന് അദ്ദേഹം വ്യക്തമാക്കി.നീണ്ട ഇടവേളയ്‌ക്ക് ശേഷം എല്ലാവരേയും കണ്ടെതിൽ സന്തോഷമുണ്ടെന്ന് പ്രധാനമന്ത്രി പറഞ്ഞു.

രാജ്യതലസ്ഥാന നഗരിയിൽ പ്രത്യേകം ക്ഷണിക്കപ്പെട്ട സ്‌കൂൾ വിദ്യാർത്ഥികളും അദ്ധ്യാപകരും പ്രധാനമന്ത്രിയ്‌ക്കൊപ്പം രാജ്ഭവനിലെ പ്രത്യേക അങ്കണത്തിൽ വെച്ച് നടക്കുന്ന പരീക്ഷാ പേ ചർച്ചയിൽ പങ്കെടുത്തു.