പയ്യോളി ഹൈ സ്കൂളിന് സമീപത്തെ അടിപ്പാത ആവശ്യം മന്ത്രിയ്ക്ക് പി ടി എ യുടെ നിവേദനം

തിക്കോടി : 37 ഭിന്നശേഷി വിദ്യാർത്ഥികൾ ഉൾപ്പടെ മൂവായിരത്തിലധികം കുട്ടികൾ പഠിക്കുന്ന പയ്യോളി ഗവ: ഹയർ സെക്കണ്ടറി സ്കൂളിന് സമീപം ദേശീയ പാതയിൽ അടിപ്പാത അനുവദിക്കണമെന്നാവശ്യപ്പെട്ട് ബഹു. തുറമുഖ വകുപ്പ് മന്ത്രി അഹമ്മദ് ദേവർ കോവിലിന് പയ്യോളി ഹയർ സെക്കണ്ടറി സ്കൂൾ പി ടി എ നിവേദനം നൽകി. പി ടി എ പ്രസിഡണ്ട് ബിജു

കളത്തിൽ, ഹെഡ് മാസ്റ്റർ കെ എൻ ബിനോയ് കുമാർ എന്നിവരാണ് നിവേദനം നൽകിയത്. ബഹു തിക്കോടി ഗ്രാമ പഞ്ചായത്ത് പ്രസിഡണ്ട് ജമീല സമദിന്റെ സാന്നിദ്ധ്യത്തിലായിരുന്നു നിവേദനം സമർപ്പിച്ചത്. അടിയന്തര ഇടപെടൽ നടത്താമെന്ന് മന്ത്രി അറിയിച്ചു.