പയ്യോളി: ഗവൺമെൻറ് വൊക്കേഷനൽ ഹയർ സെക്കൻഡറി സ്കൂളിലെ ലൈബ്രറി വികസന പദ്ധതിക്കുള്ള ധനശേഖരണാർത്ഥം ധനുസ്സ് – 2022 അഖില കേരള പ്രൊഫഷണൽ നാടക വിരുന്ന് മാർച്ച് 10 മുതൽ മുതൽ 14 വരെ സ്കൂളിൽ പ്രത്യേകം തയ്യാറാക്കിയ വേദിയിൽ അരങ്ങേറും. 10ന് വൈകിട്ട് 6 മണിക്ക് പ്രശസ്ത സിനിമാ താരം മാമുക്കോയ നാടകമത്സരം ഉദ്ഘാടനം ചെയ്യും.
തുടർന്ന് രാത്രി 7.30 ന് അമ്പലപ്പുഴ അക്ഷര ജ്വാലയുടെ സ്വർണ്ണമുഖി എന്ന നാടകം അരങ്ങേറും.
11 ന് കായംകുളം സപര്യയുടെ ദൈവത്തിൻറെ പുസ്തകം എന്ന നാടകം, 12 ന് വൈകു: 4 മണിക്ക് ലൈബ്രറിയുടെ ഉദ്ഘാടനം മന്ത്രി എ കെ ശശീന്ദ്രൻ നിർവ്വഹിക്കും. കാനത്തിൽ ജമീല എം എൽ എ, മുൻ സിപ്പൽ ചെയർമാൻ വടക്കയിൽ ഷഫീഖ്, ജില്ലാ പഞ്ചായത്ത് മെമ്പർ വി പി ദുൽഖിഫിൽ, തിക്കോടി ഗ്രാമപഞ്ചായത്തു പ്രസിഡൻറ് ജമീല സമദ് തുടങ്ങിയർ സംബന്ധിക്കും. അദ്ധ്യാപകർക്ക് യാത്രയയപ്പ് സമ്മേളനവും വേദിയിൽ നടക്കും. രാത്രി 7.30 ന് തിരുവനന്തപുരം സൗപർണികയുടെ ഇതിഹാസം എന്ന നാടകം അരങ്ങേറും. 13 ന് കോഴിക്കോട് കലാഭവൻ്റെ ഉന്തുവണ്ടി എന്ന നാടകവും 14ന് കോഴിക്കോട് സങ്കീർത്തനയുടെ വേനലവധി എന്ന നാടകവും നടക്കും.
Discussion about this post