അയനിക്കാട് ശ്രീഭഗവതി കോട്ടക്കൽ ദേവീ ക്ഷേത്രത്തിൽ പുനഃപ്രതിഷ്ഠയും തിറ മഹോത്സവവും

പയ്യോളി: അയനിക്കാട് കളരിപ്പടി മമ്പറംഗേറ്റ് ശ്രീഭഗവതി കോട്ടക്കൽ ദേവീക്ഷേത്രത്തിലെ പുനഃപ്രതിഷ്ഠ മഹോത്സവം മാർച്ച് 13ന് ഞായറാഴ്ച രാവിലെ 10.35 നും 11.25 നും മദ്ധ്യേ നടക്കും.വില്ല്യാപ്പള്ളി ഏറാഞ്ചേരി ഹരിഗോവിന്ദൻ നമ്പൂതിരിപ്പാട് മുഖ്യ കാർമികത്വം വഹിക്കും.

ക്ഷേത്ര തിറ മഹോത്സവം മാർച്ച് 20, 21, 22 തിയ്യതികളിൽ നടക്കും. മാർച്ച് 20 ന് രാവിലെ 8 ന് ഉത്സവം കൊടിയേറും. രാത്രി 7.30 ന് നടത്തിറ, 21 ന് വെെകു: 3 മണി മുതൽ ഇളംനീർ വരവുകൾ, 5.30 ന് താലപ്പൊലി വരവ്, 6.30 ന് ദേവീ വെള്ളാട്ടം, രാത്രി 7 മണിക്ക് തണ്ടാൻ വരവ്, തുടർന്ന് 8 മുതൽ  22 ന് രാവിലെ 8 മണി വരെ ശ്രീ ചാമുണ്ഡേരി വെള്ളാട്ടം, ഗുളികൻ വെള്ളാട്ടം, കുട്ടിച്ചാത്തൻ വെളളാട്ടം, ഗുരുദേവൻ വെള്ളാട്ടം, ദേവീ തിറ, ഗുരുതി തർപ്പണം എന്നിവയുണ്ടാകും. കരിമരുന്ന് പ്രയോഗത്തോടെ ഉത്സവം സമാപിക്കും.