പാലൂർ ശ്രീ മഹാവിഷ്ണു ക്ഷേത്ര പ്രതിഷ്ഠ ദിന – ആറാട്ടു മഹോത്സവം കൊടിയേറി

തിക്കോടി: പാലൂർ ശ്രീ മഹാവിഷ്ണു ക്ഷേത്രത്തിലെ പ്രതിഷ്ഠ ദിന ആറാട്ടു മഹോത്സവം കൊടിയേറി. തന്ത്രി തരണനല്ലൂർ പത്മനാഭനുണ്ണി നമ്പൂതിരിപ്പാടിൻ്റെ കാർമികത്വത്തിലാണ് കൊടിയേറ്റ് കർമം നിർവഹിച്ചത്. ഫെബ്രുവരി 19 മുതൽ 25 വരെയുള്ള ദിവസങ്ങളിൽ വിവിധ ക്ഷേത്ര ചടങ്ങുകളോടെ മഹോത്സവം ആഘോഷിക്കും. 24 നു പള്ളിവേട്ട ദിവസം വൈകിട്ട് ആഘോഷവരവും ഗജവീരന്റെയും വാദ്യമേളങ്ങളുടെയും അകമ്പടിയോടെ പള്ളിവേട്ട എഴുന്നള്ളത്തും ഉണ്ടാവും. 25 നു കാലത്ത് ആറാട്ടു മഹോത്സവം കൊടിയിറങ്ങും. കോവിഡ് 19 ന്റെ പശ്ചാത്തലത്തിൽ ക്ഷേത്ര ദർശനം പൂർണമായും നിബന്ധനകൾ പാലിച്ചായിരിക്കുമെന്ന് ഭാരവാഹികൾ അറിയിച്ചു.