ന്യൂഡൽഹി: രാജ്യത്ത് കൊവിഡ് 19 രോഗികളുടെ എണ്ണവും ടിപിആറും കുറഞ്ഞു വരുന്ന സാഹചര്യത്തിൽ പുതിയ നിര്ദേശങ്ങളുമായി കേന്ദ്രം. പൊതു ഇടങ്ങളിൽ ഇനി മുതൽ മാസ്ക് ധരിച്ചില്ലെങ്കിൽ കേസെടുക്കില്ല.
ആൾക്കൂട്ടത്തിനും കൊവിഡ് നിയന്ത്രണ ലംഘനത്തിനും കേസുണ്ടാവില്ല. ദുരന്ത നിവാരണ നിയമപ്രകാരമുള്ള നടപടികൾ പിൻവലിക്കണമെന്ന് സംസ്ഥാനങ്ങളോട് കേന്ദ്രം ആവശ്യപ്പെട്ടു. സംസ്ഥാനങ്ങള്ക്ക് കേന്ദ്ര സര്ക്കാര് ഇത് സംബന്ധിച്ച് നിര്ദേശം നല്കി. കേന്ദ്ര ആഭ്യന്തര സെക്രട്ടറി അജയ്ഭല്ല സംസ്ഥാനങ്ങള്ക്ക് കത്തെഴുതി.
കൊവിഡ് വ്യാപനം തടയാന് 2020-ലാണ് മാസ്കും കൂടിച്ചേരലുകള് അടക്കമുള്ള നിയന്ത്രണങ്ങള് കേന്ദ്ര ആഭ്യന്തര മന്ത്രാലയം ഏര്പ്പെടുത്തിയിരുന്നത്. ആ ഉത്തരവിന്റെ കാലാവധി മാര്ച്ച് 25-ന് അവസാനിക്കുകയാണ്. ഇതിന് ശേഷം ഈ നിയന്ത്രണങ്ങള് തുടരേണ്ടതില്ല എന്നാണ് നിര്ദേശം. കോവിഡ് വ്യാപനം ഗണ്യമായി കുറഞ്ഞതോടെയാണ് ഇളവുകള് നല്കുന്നത്. കേന്ദ്ര നിര്ദേശത്തിന്റെ പശ്ചാത്തലത്തില് സംസ്ഥാന സര്ക്കാര് ഇത് സംബന്ധിച്ച ഉത്തരവിറക്കും.
Discussion about this post