കൊയിലാണ്ടി: ദേശീയ പാതയില്‍ കാറിടിച്ച് ബൈക്ക് യാത്രികനായ യുവാവ് മരിച്ചു. തിരുവങ്ങൂര്‍ നരസിംഹ പാര്‍ത്ഥസാരഥി ക്ഷേത്രത്തിന്ന് സമീപത്തുണ്ടായ അപകടത്തിൽ മുക്കം മണാശ്ശേരി മഠത്തില്‍ തൊടിക അനിരുദ്ധ് (28) ആണ് മരിച്ചത്.ബുധനാഴ്ച പുലര്‍ച്ചെയാണ് അപകടമുണ്ടായത്.
വടകരയിലെ സ്വകാര്യ കണ്ണാശുപത്രിയിൽ അഡ്മിനിസ്ട്രേറ്റീവ് ഓഫീസറായി ജോലിയില്‍ പ്രവേശിച്ചു മടങ്ങുമ്പോഴായിരുന്നു അപകടം. ഗുരുതരമായി പരിക്കേറ്റ അനിരുദ്ധിനെ പോലീസ് മെഡിക്കല്‍ കോളേജ് ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാൻ കഴിഞ്ഞില്ല. അപകടമുണ്ടാക്കിയ കാര്‍ നിര്‍ത്താതെ പോയെങ്കിലും പൊലീസ് പിന്തുടര്‍ന്ന് പിടിച്ചു.
അച്ഛന്‍: അശോകന്‍ (തൃപ്തി ഹോട്ടല്‍, മെഡിക്കല്‍ കോളേജ്)
അമ്മ: ഷീബ
സഹോദരന്‍: ആഷിത്ത്
Discussion about this post