തിരുവനന്തപുരം: വര്ധിപ്പിച്ച ഓട്ടോ, ടാക്സി, ബസ് നിരക്ക് മെയ് ഒന്നുമുതല് പ്രാബല്യത്തില് വരുമെന്ന് ഗതാഗത മന്ത്രി ആന്റണി രാജു അറിയിച്ചു. വിദ്യാര്ഥികളുടെ കണ്സഷന് നിരക്ക് വര്ധിപ്പിക്കുന്നതിനെ കുറിച്ച് ഇപ്പോള് തീരുമാനമായിട്ടില്ല. കണ്സഷന് പരിശോധിക്കുന്നതിനുള്ള സമിതിയെ പിന്നീട് നിയോഗിക്കുമെന്നും അദ്ദേഹം പറഞ്ഞു. കോവിഡ് കാലത്തെ നിരക്ക് വര്ധന പിന്വലിച്ചതായും മന്ത്രി വ്യക്തമാക്കി.
മിനിമം ബസ് ചാര്ജ് 8 ല് നിന്ന് 10 രൂപയാക്കിയാണ് വര്ധിപ്പിച്ചു. പിന്നീടുള്ള ഓരോ കിലോ മീറ്ററിനും ഒരു രൂപ വീതം വര്ധനവ്. ഓട്ടോ മിനിമം ചാര്ജ് 30 രൂപയാക്കിയാണ് വര്ധിപ്പിച്ചത്. രണ്ട് കിലോമീറ്ററിനാണ് 30 രൂപ. പിന്നീടുള്ള കിലോമീറ്ററിന് 15 രൂപയാണ് നിരക്ക്.
ടാക്സി മിനിമം ചാര്ജ് 200 രൂപയാക്കി. അഞ്ച് കിലോ മീറ്ററിനാണ് ഈ നിരക്ക്. നേരത്തെ 175 രൂപയായിരുന്നു. കിലോമീറ്റര് നിരക്ക് 17 രൂപയില് നിന്നും 20 രൂപയാക്കിയും ഉയര്ത്തി. 1500 സി സിക്ക് മുകളിലുള്ള കാറിന്റെ നിരക്ക് 200 രൂപയില് നിന്നും 225 രൂപയാക്കിയും വര്ധിപ്പിച്ചു.
Discussion about this post