വർഷം മുന്നൊരുക്കം – ’22: പയ്യോളി നഗരസഭയിൽ മഴക്കാല പൂർവ്വ ശുചീകരണ മുന്നൊരുക്കങ്ങൾ

പയ്യോളി: നഗരസഭയുടെ മഴക്കാലപൂർവ്വ ശുചീകരണ പ്രവർത്തനങ്ങളുടെ മുന്നൊരുക്കങ്ങൾക്ക് നഗരസഭാതല യോഗം തീരുമാനിച്ചു. ‘വർഷം മുന്നൊരുക്കം – 22’

മഴക്കാലപൂർവ ശുചീകരണ നഗരസഭാതല യോഗം നഗരസഭ ചെയർമാൻ വടക്കയിൽ ഷഫീഖ് ഉദ്ഘാടനം ചെയ്തു. വൈസ് ചെയർപേഴ്സൺ സി പി ഫാത്തിമ യോഗത്തിൽ അധ്യക്ഷത വഹിച്ചു. സ്റ്റാൻ്റിംഗ് കമ്മിറ്റി അധ്യക്ഷൻ മാരായ പി എം ഹരിദാസ്, സുജല ചെത്തിൽ, മഹിജ എളോടി, കെ ടി വിനോദ്, എ ഇ ഒ ഗോവിന്ദൻ മാസ്റ്റർ, കുടുംബാരോഗ്യ കേന്ദ്രം എച്ച് ഐ മിനി, പയ്യോളി വില്ലേജ് ഓഫീസർ ചന്ദ്രൻ, വ്യാപാരി വ്യവസായി ഏകോപന സമിതി പ്രസിഡണ്ട് കെ പി റാണാ പ്രതാപ് ,ഹെൽത്ത് ഇൻസ്പെക്ടർ ടി പി പ്രജീഷ് കുമാർ പ്രസംഗിച്ചു.

നഗരസഭ ഹെൽത്ത് ഇൻസ്പെക്ടർ ടി ചന്ദ്രൻ സ്വാഗതവും ആരോഗ്യ സ്റ്റാൻ്റിംഗ് കമ്മറ്റി ചെയർമാൻ വി കെ അബ്ദുറഹിമാൻ നന്ദിയും പറഞ്ഞു.

ഏപ്രിൽ 8 ന് രാവിലെ 7 മണിക്ക് പയ്യോളി കടപ്പുറം വൃത്തിയാക്കി മഴക്കാല പൂർവ്വ ശുചീകരണ പ്രവർത്തനങ്ങൾക്ക് തുടക്കം കുറിക്കും. നഗരസഭയിലെ 6 കിലോമീറ്റർ കടലോരം ജനപങ്കാളിത്തത്തോടെ തുടർ ദിവസങ്ങളിൽ വൃത്തിയാക്കും.