നഗരസഭാധ്യക്ഷർക്കും സെക്രട്ടറിമാർക്കും  സ്മാർട്ട് ഫോണുകൾ: പണം നഗരസഭയിൽ നിന്നുമെടുക്കാം

ആ​ലു​വ: ന​ഗ​ര​സ​ഭാ അ​ധ്യ​ക്ഷ​ർ, സെ​ക്ര​ട്ട​റി, അ​ഡീ​ഷ​ന​ൽ സെ​ക്ര​ട്ട​റി എ​ന്നി​വ​ർ​ക്ക് അ​ത​ത് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ ത​ന​ത് ഫ​ണ്ടുപയോഗിച്ച് 15,000 രൂ​പ വി​ല വ​രു​ന്ന മൊ​ബൈ​ൽ ഫോ​ണു​ക​ൾ വാ​ങ്ങു​ന്ന​തി​ന് സ​ർ​ക്കാ​ർ ഉ​ത്ത​ര​വ്. നേ​ര​ത്തെ എ​ല്ലാ ന​ഗ​ര​സ​ഭ അ​ധ്യ​ക്ഷ​ർ​ക്കും സെ​ക്ര​ട്ട​റി​മാ​ർ​ക്കും ന​ഗ​ര​കാ​ര്യ വ​കു​പ്പി​ലെ ഉ​ദ്യോ​ഗ​സ്ഥ​ർ​ക്കും ബി​ എ​സ് എ​ൻ​ എ​ൽ മു​ഖേ​ന ക്ലോ​സ്ഡ് യു​സ​ർ ഗ്രൂ​പ്പ് (സി​ യു ​ജി) സം​വി​ധാ​ന​ത്തി​ൽ ഉ​ൾ​പെ​ടു​ത്തി പോ​സ്റ്റ് പെ​യ്ഡ് ഫോ​ൺ ന​മ്പ​റു​ക​ൾ അ​നു​വ​ദി​ച്ചി​രു​ന്നു. എ​ന്നാ​ൽ ഭൂ​രി​ഭാ​ഗം ന​ഗ​ര​സ​ഭാ അ​ധ്യ​ക്ഷ​രും ത​ങ്ങ​ളു​ടെ പ​ഴ​യ ന​മ്പ​ർ ത​ന്നെ​യാ​ണ് ഉ​പ​യോ​ഗി​ച്ചു വ​ന്നി​രു​ന്ന​ത്.

ഭ​ര​ണ​പ​ര​മാ​യി സി​യു​ജി സം​വി​ധാ​നം അ​നി​വാ​ര്യ​മാ​യ​തി​നാ​ലാ​ണ് മൊ​ബൈ​ൽ ഫോ​ണു​ക​ൾ അ​നു​വ​ദി​ച്ച​ത്. മേ​ലി​ൽ സ​ർ​ക്കാ​ർ ഉ​ത്ത​ര​വു​ക​ളും അ​റി​യി​പ്പു​ക​ളും മ​റ്റും പു​തി​യ ഫോ​ൺ ന​മ്പ​റി​ലേ​ക്കാ​കും ന​ൽ​കു​ക. അ​ടു​ത്ത ഭ​ര​ണ​സ​മി​തി വ​രു​മ്പോ​ൾ പു​തി​യ അ​ധ്യ​ക്ഷ​ർ​ക്ക് ഫോ​ൺ കൈ​മാ​റ​ണം. 15,000 രൂ​പ വി​ല വ​രു​ന്ന ഏ​ത് സ്മാ​ർ​ട്ട് ഫോ​ണും വാ​ങ്ങാം. ഇ​പ്ര​കാ​രം വാ​ങ്ങു​ന്ന ഫോ​ണു​ക​ൾ ന​ഗ​ര​സ​ഭ​യു​ടെ ആ​സ്തി​യാ​യി പ​രി​ഗ​ണി​ക്കും. ഐ​ എം ​ഇ​ ഐ ന​മ്പ​ർ സ​ഹി​തം സ്റ്റോ​ക്ക് ര​ജി​സ്റ്റ​റി​ൽ ചേ​ർ​ക്കും. വാ​ങ്ങി​യ തീ​യ​തി മു​ത​ൽ അ​ഞ്ച് വ​ർ​ഷ​ക്കാ​ല​യ​ള​വി​നു​ള്ളി​ൽ ഹാ​ൻ​ഡ് സെ​റ്റ് / അ​നു​ബ​ന്ധ ഉ​പ​ക​ര​ണ​ങ്ങ​ൾ ത​ന​ത് ഫ​ണ്ട് ഉ​പ​യോ​ഗി​ച്ച് വീ​ണ്ടും വാ​ങ്ങാ​ൻ പാ​ടി​ല്ലെ​ന്നും ഉ​ത്ത​ര​വി​ൽ പ​റ​യു​ന്നു.