മൂടാടി പഞ്ചായത്ത് പതിനാലാം പഞ്ചവത്സര പദ്ധതി വർക്കിങ്ങ് ഗ്രൂപ്പ് പൊതുയോഗം

മൂടാടി: പതിനാലാം പഞ്ചവത്സര പദ്ധതിയുടെ ഭാഗമായി, മൂടാടി ഗ്രാമപഞ്ചായത്ത് വർക്കിംഗ് ഗ്രൂപ്പ് പൊതുയോഗം നടന്നു. ജില്ലാ പഞ്ചായത്ത് വൈസ് പ്രസിഡൻ്റ് എം പി ശിവാനന്ദൻ ഉദ്ഘാടനം ചെയ്തു.

ഗ്രാമ പഞ്ചായത്ത് പ്രസിഡൻ്റ് സി കെ ശ്രീകുമാർ അധ്യക്ഷത വഹിച്ചു. വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ എം കെ മോഹനൻ പദ്ധതി രേഖ അവതരിച്ചു. ആസൂത്രണ സമിതി ഉപാധ്യക്ഷൻ കെ കെ രഘുനാഥ് പ്രസംഗിച്ചു.

അവസ്ഥ രേഖ പ്രകാശനം എം പി ശിവാനന്ദൻ നിർവ്വഹിച്ചു. വിവിധ വിഷയങ്ങളിൽ ഗ്രൂപ്പുകളായി  ചർച്ച നടത്തി. പദ്ധതി നിർദ്ദേശങ്ങൾ ക്രോഡീകരിച്ചു. മെയ് 16 മുതൽ ആരംഭിക്കുന്ന ഗ്രാമസഭകളിൽ കരട് നിർദ്ദേശങ്ങൾ വിശദമായ ചർച്ചകൾക്ക് വിധേയമാക്കി പദ്ധതി നിർദേശങ്ങൾ അന്തിമമാക്കും.