മൂടാടി: സാർവ്വ ദേശീയ മഹിള ദിനത്തിൽ മൂടാടി ഗ്രാമപഞ്ചായത്തിലെ വനിത ഗ്രൂപ്പ് സംരഭകർക്ക് ബാങ്ക് ലോൺ വിതരണം ചെയ്തു. 2021-22 വർഷത്തെ വാർഷിക പദ്ധതിയുടെ ഭാഗമായി ജൈവവള നിർമാണം, 2 മിനി ഓയിൽ മിൽ, ഫയൽ പാഡ് ആൻ്റ് ഓഫീസ് സ്റ്റേഷനറി, തയ്യൽ യൂനിറ്റ്, ഈ _ സേവന കേന്ദ്രങ്ങൾ, എൽ ഇ ഡി ലൈറ്റ് നിർമ്മാണം തുടങ്ങിയ യൂണിറ്റുകൾക്ക് വേണ്ടിയാണ് വായ്പ വിതരണം ചെയ്തത്. 2 ലക്ഷം രൂപ വീതം ഓരോ ഗ്രൂപ്പിനും സബ്സിഡിയായി ഗ്രാമപഞ്ചായത്ത് നൽകും. കേരള ഗ്രാമീണ ബാങ്ക് നന്തി ശാഖയാണ് ഏകജാലക സംവിധാന മൊരുക്കി സംരംഭകർക്ക് സഹായമായത്. ഗ്രാമ പഞ്ചായത്ത് പ്രസിഡൻ്റ് സി കെ ശ്രീകുമാർ ഉദ്ഘാടനം നിർവ്വഹിച്ചു.
ചടങ്ങിൽ വൈസ് പ്രസിഡൻറ് ഷീജ പട്ടേരി അധ്യക്ഷത വഹിച്ചു. സെക്രട്ടറി ഗിരീഷ്, ക്ഷേമകാര്യ സ്റ്റാൻ്റിംഗ് കമ്മിറ്റി ചെയർ പേഴ്സൺ എം പി അഖില, വി ഇ ഒ ബൈജു, കേരള ബാങ്ക് നന്തി ശാഖ മാനേജർ രശ്മി, സി ഡി എസ് ചെയർ പേഴ്സൺ ശ്രീലത പ്രസംഗിച്ചു.
Discussion about this post