മുംബൈ: മകള് അല്ലെങ്കില് തൊഴില്, ഏതെങ്കിലും ഒന്ന് തിരഞ്ഞെടുത്തേ പറ്റൂ എന്ന് ഒരമ്മയെ നിര്ബന്ധിക്കാനാവില്ലെന്ന് ബോംബെ ഹൈക്കോടതി. വിവാഹമോചന വ്യവഹാരം നിലനില്ക്കുന്ന ദമ്പതിമാര്, മകളുടെ സംരക്ഷണവുമായി ബന്ധപ്പെട്ട് കോടതിയെ സമീപിച്ച കേസിലാണ് നിര്ണായക വിധി. ജസ്റ്റിസ് ഭാരതി ഡാംഗ്രെയുടെ സിംഗിള് ബെഞ്ചിന്റെതാണ് ഉത്തരവ്.
മകളും അച്ഛനും തമ്മിലുള്ള സ്നേഹത്തോളം പ്രത്യേകതയുള്ള മറ്റൊന്നും ഇതുവരെയില്ലെന്നും ഇനിയുണ്ടാവുകയുമില്ലെന്നും കോടതി നിരീക്ഷിച്ചു. മകള് മറ്റൊരിടത്തേക്ക് താമസം മാറുന്നതില് വേദനിക്കുന്ന അച്ഛനാണ് ഒരുവശത്ത്. മറുവശത്ത് തൊഴില്മേഖലയില് മുന്നേറാന് ആഗ്രഹിക്കുന്ന സ്ത്രീയും. ഇത്രയും കാലം യുവതിയായിരുന്നു മകളെ സംരക്ഷിച്ചിരുന്നത്. അവര് തനിച്ച് മകളെ വളര്ത്തി. മകളുടെ പ്രായം പരിഗണിച്ച് അമ്മയെ അനുഗമിക്കാന് മകളെ അനുവദിക്കേണ്ടത് പ്രധാനമാണ്, കോടതി നിരീക്ഷിച്ചു.
Discussion about this post