പയ്യോളി വാർത്തകൾ വായനക്കാർക്ക് ആഴ്ചകൾ തോറും സമ്മാനം നേടാവുന്ന മീനാക്ഷിയെ കണ്ടെത്തൽ സമ്മാന പദ്ധതിയുടെ ആദ്യ ആഴ്ചത്തെ വിജയിയെ ഇന്നറിയാം. വൈകീട്ട് 3 മണിക്കാണ് നറുക്കെടുപ്പ്. രണ്ടാമത്തെ ആഴ്ചയിലെ മത്സരം ഇന്നലെ മുതൽ ആരംഭിക്കുകയും ചെയ്തു. ഓരോ ദിവസവും ആയിരക്കണക്കിന് പേരാണ് മീനാക്ഷിയെ കണ്ടെത്തി സ്‌ക്രീൻ ഷോട്ട് എടുത്ത് ഞങ്ങൾക്ക് അയക്കുന്നത്.
എന്താണ് മത്സരം..?
(ഇനിയും മത്സരത്തിൽ പങ്കെടുക്കാത്തവർക്ക് വേണ്ടി)
പയ്യോളി വാർത്തകൾ ഓൺലൈൻ ന്യൂസ് പോർട്ടലിന്റെ വാർത്തകൾക്കിടയിൽ ചിലപ്പോഴൊക്കെ ദാ.. 👇 ഇത്പോലെ മീനാക്ഷി എന്ന സുന്ദരി പൂച്ചക്കുട്ടി പ്രത്യക്ഷപ്പെടും.
ഇത് 👆 ഉദാഹരണത്തിന് മാത്രം കൊടുക്കുന്നതാണ്. ഇത് അയക്കരുത്
ഒരു ദിവസത്തെ എല്ലാ വാർത്തകളിലും ഉണ്ടാവില്ല കേട്ടോ.. ചിലതിൽ മാത്രം.. മീനാക്ഷിയെ കാണുമ്പോൾ മുതൽ ഭാഗ്യം നിങ്ങളെ ത്തേടിവരും. മീനാക്ഷിയെക്കണ്ടാൽ അത്, വാർത്തയുൾപ്പടെ സ്‌ക്രീൻ ഷോട്ട് എടുത്ത് 9037210074 എന്ന നമ്പറിൽ ഞങ്ങൾക്ക് വാട്സ് ആപ് അയക്കുക. ഓരോ ആഴ്ചയിലും ഇത്തരത്തിൽ മീനാക്ഷിയെക്കണ്ടെത്തുന്നവരിൽ നിന്നും തെരഞ്ഞെടുക്കുന്ന ഭാഗ്യ ശാലികളായ പ്രിയ വായനക്കാർക്ക് ഞങ്ങൾ സമ്മാനങ്ങൾ നൽകും. മാത്രമല്ല 2023 ജനുവരി ഒന്നിന് നടക്കുന്ന ബമ്പർ നറുക്കെടുപ്പിൽ വിജയിക്കുന്ന ഒരാൾക്ക് ഒരു സ്മാർട്ട് ഫോണും സ്വന്തമാക്കാം..
ആദ്യ ആഴ്ചയിലെ മത്സരം
2022 ജൂലൈ 1 നാണ് മത്സരം ആരംഭിച്ചത്. ജൂലൈ 7 നാണ് ആദ്യ ആഴ്ചത്തെ മത്സരം അവസാനിക്കുന്നത്. വെള്ളി മുതൽ അടുത്ത വ്യാഴം വരെയാണ് ഓരോ ആഴ്ചയിലേയും മത്സരം. ഓരോ ദിവസവും ‘മീനാക്ഷി’യെ കണ്ടെത്തി സ്‌ക്രീൻ ഷോട്ട് അയയ്ക്കുന്നവർക്കെല്ലാം അതാത് സമയങ്ങളിൽ തന്നെ മറുപടി അയക്കുന്നുണ്ട്. ഇവരുടെയൊക്കെ മൊബൈൽ നമ്പർ അതാത് സമയം തന്നെ ഞങ്ങളുടെ സർവറിൽ സൂക്ഷിച്ച് വെക്കുന്നു. ഒന്നിലധികം വാർത്തകളിൽ ‘മീനാക്ഷി’ ഉണ്ടെങ്കിൽ അങ്ങനെ അയക്കുന്നവരുടെ ഡേറ്റ അത്രയും തവണ സർവറിൽ റെക്കോർഡ് ചെയ്യപ്പെടുന്നുമുണ്ട്. അതായത് വ്യത്യസ്ത വാർത്തകൾക്കിടയിൽ നിങ്ങൾ 2 തവണ മീനാക്ഷിയെ കണ്ടു എന്നിരിക്കട്ടെ,… രണ്ട് തവണയും നിങ്ങൾക്ക് സ്‌ക്രീൻ ഷോട്ട് അയക്കാവുന്നതാണ്. അങ്ങിനെ വരുമ്പോൾ രണ്ട് തവണ നിങ്ങളുടെ നമ്പർ ഞങ്ങളുടെ സർവ്വറിൽ സൂക്ഷിക്കുകയും
നിങ്ങൾക്ക് വിജയിക്കാനുള്ള സാധ്യത കൂടുകയും ചെയ്യുമെന്ന് സാരം. എന്നാൽ അതാത് ദിവസത്തെ വാർത്തകളിൽ ഉള്ള മീനാക്ഷിയെ അതാത് ദിവസം രാത്രി 11 മണിക്ക് മുമ്പായി തന്നെ അയക്കണം. മുമ്പത്തെ ദിവസത്തെ സ്‌ക്രീൻ ഷോട്ട് സമ്മാനത്തിനായി പരിഗണിക്കുന്നതല്ല. ഓരോ ദിവസവും മാനുവൽ ആയും ഈ റെക്കോർഡ് പരിശോധിക്കപ്പെടുന്നുണ്ട്. ദുരുപയോഗത്തിലൂടെയുള്ള സ്‌ക്രീൻ ഷോട്ടുകൾ പരിഗണിക്കുന്നതല്ല.വ്യാഴാഴ്ച അവസാനിക്കുന്ന അതാത് ആഴ്ചത്തെ മത്സരം വെള്ളിയാഴ്ച ക്രോഡീകരിച്ച് ശനിയാഴ്ച നറുക്കെടുപ്പ് നടത്തി വിജയികളെ കണ്ടെത്തുന്നു. ഞായറാഴ്ച സമ്മാനവും കൈമാറുന്നു.
ആദ്യ ആഴ്ചത്തെ സമ്മാനം സ്പോൺസർ ചെയ്തിരിക്കുന്നത് പയ്യോളിയിലെ പ്രമുഖ ബേക്കറി സ്ഥാപനമായ ഷൈനിങ് ബേക്കറി ആണ്. ജൂലൈ 9 ശനിയാഴ്ച വൈകീട്ട് 3 മണിക്ക് സ്പോൺസർ കൂടിയായ ഷൈനിംഗ് ബേക്കറി ഉടമയും പയ്യോളി വ്യാപാരി വ്യവസായി ഏകോപന സമിതി ട്രഷറർ കൂടിയായ നിധീഷ് ഷൈനിങ് ആണ് സമ്മാനാർഹരെ തിരഞ്ഞെടുക്കുന്നത്. ഒരാഴ്ച മത്സരത്തിൽ പങ്കെടുത്ത ഞങ്ങളുടെ സെർവറിൽ സൂക്ഷിക്കുന്ന മൊബൈൽ നമ്പറുകളിൽ നിന്ന് ഒരു ഭാഗ്യ ശാലിയെ തെരഞ്ഞെടുക്കുകയും സമ്മാനം നൽകുകയും ചെയ്യുന്നു. ഈ നമ്പറുകൾ അത്രയും തന്നെ മെഗാ ബമ്പർ നറുക്കെടുപ്പിനായി വീണ്ടും പരിഗണിക്കുന്നതാണ്. ജൂലൈ 8 മുതൽ രണ്ടാമത്തെ ആഴ്ചത്തെ മത്സരം പുനരാരംഭിച്ചിരിക്കുന്നു. 2022 ഡിസംബർ 31 വരെ മത്സരം തുടരുകയും 2023 ജനുവരി 1 ന് ബമ്പർ നറുക്കെടുപ്പിലൂടെ സ്മാർട്ട് ഫോൺ വിജയിയെ കണ്ടെത്തുകയും ചെയ്യുന്നു.
പയ്യോളി വാർത്തകൾക്ക് നിങ്ങൾ നൽകി കൊണ്ടിരിക്കുന്ന സ്നേഹവും പിന്തുണയും തുടരുക… ഭാഗ്യ ശാലി നിങ്ങൾ ആയിരിക്കട്ടെ എന്ന ആത്മാർത്ഥമായ പ്രാർത്ഥനയോടെ…
സ്നേഹപൂർവ്വം..
ചീഫ് എഡിറ്റർ
പയ്യോളി വാർത്തകൾ
Discussion about this post