“വാർത്തകൾ വായിക്കും, ഒരു രസത്തിന് അയച്ചു തുടങ്ങി, മീനാക്ഷി ഭാഗ്യവും കൊണ്ട് എന്നെത്തേടിയെത്തുമെന്ന് ഒട്ടും പ്രതീക്ഷിച്ചില്ല”; ‘സ്നേഹപൂർവ്വം സുജാത’ സമ്മാനം ഏറ്റുവാങ്ങി

പയ്യോളി വാർത്തകൾ ‘മീനാക്ഷി സമ്മാന പദ്ധതിയിലെ’ ആദ്യ ആഴ്ചയിലെ സമ്മാനം അയനിക്കാട് പാലേരിമുക്ക് പാറക്കണ്ടി സുജാത ബിനു ഏറ്റു വാങ്ങി. പയ്യോളി നഗരസഭാ വിദ്യാഭ്യാസ കല കായിക സ്ഥിരം സമിതി അധ്യക്ഷൻ കെ ടി വിനോദൻ സമ്മാനം കൈമാറി.

“സമ്മാനം ലഭിക്കുമെന്ന് ഒട്ടും പ്രതീക്ഷയുണ്ടായിരുന്നില്ല. പയ്യോളി വാർത്തകളുടെ എല്ലാ വാർത്തകളും സ്ഥിരമായി വായിക്കാറുണ്ട്. വാർത്തകൾക്കിടയിൽ മീനാക്ഷിയെ കാണുമ്പോൾ വലിയ സന്തോഷം തോന്നുമെന്നും അത് അപ്പപ്പോൾ തന്നെ സ്‌ക്രീൻ ഷോട്ട് എടുത്ത് അയക്കുമെന്നും ഇന്നും അയച്ചിട്ടുണ്ടെന്നും” സമ്മാനം ഏറ്റുവാങ്ങിയ ശേഷം സുജാത ബിനു പറഞ്ഞു.

“വളരെ ചുരുങ്ങിയ കാലയളവിനുള്ളിൽ ലക്ഷത്തോളം സ്ഥിര വായനക്കാരിലേക്ക് സാന്നിധ്യമറിയിക്കാൻ പയ്യോളി വാർത്തകൾക്ക് സാധിച്ചു എന്നത് വലിയ നേട്ടമാണെന്നും സത്യസന്ധതയും ആധികാരികതയും വാർത്ത വായനക്കാരിലേക്ക് എത്തിക്കുന്നതിൻ്റെ വേഗതയും പയ്യോളി വാർത്തകൾക്ക് മാത്രം സ്വന്തമാണെന്നും” സ്ഥിരം സമിതി അധ്യക്ഷൻ കെടി വിനോദ് പറഞ്ഞു.

ബലിപെരുന്നാൾ ദിനത്തിൽ വൈകീട്ട് 3 മണിക്ക് നടന്ന ലളിതമായ ചടങ്ങിലാണ് സമ്മാനം വിതരണം ചെയ്തത്. പയ്യോളി വാർത്തകൾ ചീഫ് എഡിറ്റർ പ്രകാശ് പയ്യോളി, മാർക്കറ്റിങ് എക്സിക്യൂട്ടിവ് പി കെ അനീഷ്, സമ്മാനാർഹയുടെ ഭർത്താവ് പാറക്കണ്ടി ബിനു സംബന്ധിച്ചു.

ജൂലൈ 8 മുതൽ രണ്ടാമത്തെ ആഴ്ചയിലെ ഭാഗ്യ ശാലിയെ കണ്ടെത്താനുള്ള ആവേശകരമായ മത്സരം പുരോഗമിച്ച് കൊണ്ടിരിക്കുകയാണ്. ജൂലൈ16 ശനിയാഴ്ചയാണ് അടുത്ത നറുക്കെടുപ്പ്. ജൂലൈ 8 മുതൽ 15 വരെയാണ് രണ്ടാമത്തെ ആഴ്ചയിലെ മീനാക്ഷിയെ കണ്ടെത്താനുള്ള അവസരം. എല്ലാ ശനിയാഴ്ചകളിലും നറുക്കെടുപ്പ് നടത്തുകയും ഞായറാഴ്ച സമ്മാന ദാനം നടത്തുകയും ചെയ്യുന്നതാണ്.

ഇനിയും മത്സരത്തിൽ പങ്കെടുക്കാത്തവർ ഇന്ന് തന്നെ വാർത്തകൾക്കിടയിലെ മീനാക്ഷിയെ കണ്ടെത്തി സ്‌ക്രീൻ ഷോട്ട് എടുത്ത് 9037210074 എന്ന നമ്പറിൽ ഞങ്ങൾക്ക് വാട്സ് ആപ് അയക്കുക. ഓരോ ആഴ്ചയിലും ഇത്തരത്തിൽ മീനാക്ഷിയെ കണ്ടെത്തുന്നവരിൽ നിന്നും തെരഞ്ഞെടുക്കുന്ന ഭാഗ്യ ശാലികളായ പ്രിയ വായനക്കാർക്ക് ഞങ്ങൾ സമ്മാനങ്ങൾ നൽകുന്നതാണ്. കൂടാതെ, 2023 ജനുവരി ഒന്നിന് നടക്കുന്ന ബമ്പർ നറുക്കെടുപ്പിൽ വിജയിക്കുന്ന ഒരാൾക്ക് ഒരു സ്മാർട്ട് ഫോണും സ്വന്തമാക്കാം..

പയ്യോളി വാർത്തകൾക്ക് നിങ്ങൾ നൽകി കൊണ്ടിരിക്കുന്ന സ്നേഹവും പിന്തുണയും തുടരുക… അടുത്ത ഭാഗ്യ ശാലി നിങ്ങൾ ആയിരിക്കട്ടെ എന്ന ആത്മാർത്ഥമായ പ്രാർത്ഥനയോടെ…

സ്നേഹപൂർവ്വം..
ചീഫ് എഡിറ്റർ
പയ്യോളി വാർത്തകൾ