മാധ്യമ സ്വാതന്ത്ര്യസൂചിക: ഇന്ത്യ 150 -ാം സ്ഥാനത്ത്

ന്യൂ​ഡ​ൽ​ഹി:  ഓരോ രാജ്യങ്ങളിലും മാധ്യമങ്ങള്‍ അനുഭവിക്കുന്ന അഭിപ്രായ സ്വാതന്ത്ര്യത്തേയും ചുറ്റുപാടുകളേയും വിലയിരുത്തി തയ്യാറാക്കുന്ന മാധ്യമ സ്വാതന്ത്ര്യ സൂചികയില്‍ ഇന്ത്യയുടെ സ്ഥാനം വീണ്ടും താഴ്ന്ന് 150 -ാം സ്ഥാനത്ത്.

180 രാജ്യങ്ങളിലെ സാഹചര്യങ്ങള്‍ വിലയിരുത്തി റിപ്പോര്‍ട്ടേഴ്‌സ് ബിയോണ്ട് ബോര്‍ഡേഴ്‌സ് തയാറാക്കിയ റിപ്പോര്‍ട്ടിലാണ് ഇന്ത്യയുടെ സ്ഥാനം 8 പോയിന്റുകള്‍ കൂടി താഴ്ന്നത്. മുന്‍പ് ഇന്ത്യയുടെ സ്ഥാനം 142 ആയിരുന്നെങ്കില്‍ ഇപ്പോള്‍ ഇന്ത്യ 150-ാം സ്ഥാനത്താണ്.

മാ​ധ്യ​മ​പ്ര​വ​ർ​ത്ത​ക​ർ​ക്ക് ഏ​റ്റ​വും അ​പ​ക​ട​ക​ര​മാ​യ സാ​ഹ​ച​ര്യം നി​ല​നി​ൽ​ക്കു​ന്ന ഇ​ന്ത്യ​യു​ടെ കൂ​ടെ അ ​യ​ൽ​രാ​ജ്യ​ങ്ങ​ളാ​യ മ്യാ​ൻ​മ​ർ (176), ചൈ​ന (175), പാ​ക്കി​സ്ഥാ​ൻ (157), ശ്രീ​ല​ങ്ക (146), ബം​ഗ്ല​ദേ​ശ് (162)  എ​ന്നി​വ​യു​മു​ണ്ട്. നോ​ർ​വേ, ഡെ​ന്മാ​ർ​ക്ക്, സ്വീ​ഡ​ൻ എ​ന്നി​വ​യാ​ണ് ഒ​ന്നും ര​ണ്ടും മൂ​ന്നും സ്ഥാ​ന​ങ്ങ​ളി​ൽ. ഏ​റ്റ​വും താ​ഴെ ഉ​ത്ത​ര കൊ​റി​യ. തൊ​ട്ടു മു​ക​ളി​ൽ എ​റി​ട്രി​യ(179), ഇ​റാ​ൻ (178), തു​ർ​ക്ക്മെ​നി​സ്ഥാ​ൻ  (177) എ​ന്നി​വ​യും.2021ലെ റിപ്പോര്‍ട്ട് ഇന്ത്യയെ തീരെ മാധ്യമസ്വാതന്ത്ര്യമില്ലാത്ത രാജ്യങ്ങളിലൊന്നായും മാധ്യമപ്രവര്‍ത്തകര്‍ക്ക് അപകടകരമായ രാജ്യമായും വിലയിരുത്തിയിരുന്നു. ഇന്ത്യയിലെ 70 ശതമാനത്തോളം മാധ്യമങ്ങളേയും മുകേഷ് അംബാനി അടക്കമുള്ള ഭരണകൂടത്തോട് അടുപ്പമുള്ള കോര്‍പറേറ്റുകളാണ് നിയന്ത്രിക്കുന്നതെന്ന് റിപ്പോര്‍ട്ട് ചൂണ്ടിക്കാട്ടുന്നു.