മെയ് ദിന റാലി സംഘാടക സമിതിക്ക് രൂപം നൽകി; ചെയർമാൻ എം പി ഷിബു, കൺവീനർ കെ കെ പ്രേമൻ

പയ്യോളി: സി ഐ ടി യു പയ്യോളി ഏരിയ കമ്മിറ്റിയുടെ നേതൃത്വത്തിൽ പയ്യോളിയിൽ നടക്കുന്ന മെയ് ദിന റാലിയുടെ വിജയത്തിനായി സംഘാടക സമിതി രൂപീകരിച്ചു.

ജില്ലാ സെക്രട്ടറി കെ കെ മമ്മു ഉദ്ഘാടനം ചെയ്തു.
പയ്യോളി എ കെ ജി മന്ദിരം ഓഡിറ്റോറിയത്തിൽ നടന്ന രൂപീകരണ യോഗത്തിൽ പി വി മനോജൻ അധ്യ ക്ഷത വഹിച്ചു. പി എം വേണുഗോപാലൻ, ഇ എം രജനി പ്രസംഗിച്ചു.

ഏരിയ സെക്രട്ടറി കെ കെ പ്രേമൻ സ്വാഗതം പറഞ്ഞു.
ഭാരവാഹികളായി എം പി ഷിബു (ചെയർമാൻ), കെ കെ പ്രേമൻ (കൺവീനർ), എൻ ടി അബ്ദുറഹിമാൻ (ട്രഷറർ) എന്നിവരെ തെരഞ്ഞെടുത്തു. 101 അംഗ സംഘാടക സമിതി രൂപീകരിച്ചു.