പയ്യോളി: മാണിക്കോത്ത് കൂട്ടായ്മയുടെ നേതൃത്വത്തിൽ സംഘടിപ്പിച്ച മാണിക്കോത്ത് ഫുട്ബാൾ ലീഗിന് സമാപനം. പ്രദേശത്തെ കാൽപന്തുകളിയിൽ പ്രതിഭാധനരായ കുട്ടികളെ കണ്ടെത്തുന്നതിനായി സംഘടിപ്പിച്ച ഫുട്ബാൾ ലീഗ് യുവതയുടെ ഉത്സവമായി മാറി.
ബജിലബജീഷ് വിന്നേഴ്സ് റോളിങ്ങ് ട്രോഫിക്കും സി കുഞ്ഞിരാമൻ – സി സുരേഷ് റണ്ണേഴ്സ് അപ്പിനും വേണ്ടി സംഘടിപ്പിച്ച മത്സരത്തിൽ സത്യൻ നെല്ലേരി തെക്കയിൽ പരിശീലകനായ അമിഗോസ് എഫ് സി റോളിങ്ങ് ട്രോഫിയിൽ മുത്തമിട്ടു.
ബഷീർ മായേരിയുടെ പരിശീലനത്തിൽ കളിക്കളത്തിലിറങ്ങിയ വി മാർട്ട് എഫ്സി റണ്ണറപ്പായി. പയ്യോളി പേരാമ്പ്ര റോഡിലെ കിക്ക് ഓഫ് ടർഫിൽ നടന്ന ലീഗിൽ ആറു ടീമുകളാണ് പങ്കെടുത്തത്.
ഫുട്ബാൾ ലീഗ് നഗരസഭാംഗം ഷൈമ മണന്തല ഉദ്ഘാടനം ചെയ്തു. പ്രസിഡൻ്റ് പ്രമോദ് മാണിക്കോത്ത് അധ്യക്ഷത വഹിച്ചു.
നഗരസഭാധ്യക്ഷൻ ഷഫീഖ് വടക്കയിൽ, ആബിദ് മന്നച്ചൻ വീട്ടിൽ, ഷൈമ മണന്തല എന്നിവർ കളിക്കാരെ പരിചയപ്പെട്ടു
.കോഴിക്കോട് ക്രൈംബ്രാഞ്ച് സി ഐ പി കെ റൗഫ് സമ്മാനദാനം നിർവഹിച്ചു.
കൂട്ടായ്മ സെക്രട്ടറി കെ പി നന്ദു ലാൽ സ്വാഗതവും ഗിരീഷ് പുളിക്കു മഠത്തിൽ നന്ദിയും പറഞ്ഞു.
Discussion about this post